又到年尾喇，過埋下個月聖誕檔期，就係四仔界一年一度大事，AVN及XBIZ兩大頒獎禮上演，雖然官方都準備得七七八八，但今日講似乎太早，事關「入閘」脫星都未正式開始拉票，等埋新年活動先喪谷都未遲，反而今日要講吓「2017 XBIZ Awards」大會正式宣布由Chanell Heart及Melissa Moore做當晚禮儀小姐，究竟呢兩位囡囡有咩咁把炮呢？
Trophy Girls即係禮儀小姐，主要負責當晚喺會場行行企企，攞個獎座上台畀頒獎嘉賓，雖然冇實質意義，但呢個位可以畀更多在場老闆認識，做「攝石人」增加曝光率，所以脫星無錢都好恨做（口架）！而呢個位有不成文規定，由入行不足3年嘅新女擔任，話晒新人都需要多多扶持，好合情合理嘅！早前「2017 XBIZ Awards」大會宣布，由黑妹Chanell Heart及話題新女Melissa Moore兩個擔任Trophy Girls。
先講黑妹Chanell Heart，坦白講細佬好少欣賞佢嘅演出，上網起底亦都唔多新聞，之但係喺網站「iafd.com」所見，原來阿妹喺今年演出超過23部四仔，佔大部分係大廠出品，包括Evil Angel、Jules Jordan及Hustler等，失敬晒！但你又唔怪得細佬，事關歐美四仔迷對佢印象都唔深，或者係同阿妹演技及波哋一般有關啦！
另一位禮儀小姐Melissa Moore就真係唔使落床砌都砌贏所有脫星呀！點解？因為佢同女神Riley Reid十足Twins咁囉！幾時都係同偶像前輩相似一定有着數，四仔迷睇錯係必然，連多個成人傳媒都睇錯，咁就證明似到十足十啦！啱啱20歲嘅Melissa Moore今年先出道，一嚟就湧住喪拍大片，點解？咪因為係Spiegler Girl，睇到呢間經理人公司大概都明白，咪係金牌經理人Mark Spiegler喺背後發功囉！咁點解要力捧Melissa呀？咪因為佢「家姐」Riley Reid喺脫星界太紅，忽然有件咁似樣嘅「妹妹」，真係話題性十足，所謂肥水不流別人田，即使唔捧妹妹Melissa，都唔好益人嘛！況且簽咗Melissa 根本就無得輸，首先零成本宣傳，過去一年傳媒爭住追訪Melissa，十個訪問記者都話認錯佢係Riley，連當事人都自爆無論入片場或出街都被人認錯，Melissa當然開心啦，但更開心係可以拍住「家姐」Riley Reid嚟個Twins女同嘛！早喺8月，女同廠Girlsway就拉咗佢兩個擔正拍《Twinning 2》，睇見呢兩件淫娃床上鬥磨，真係傻傻分不清邊個打邊個囉！
講開又講，Melissa靠住似Riley Reid上位，大把運行，而Riley又有人幫佢製造話題，繼續企穩脫星一姐之位，但當中最受益，肯肯定係經理人Mark Spiegler，收「兩家茶禮」之餘，假如Riley Reid完約跳「草裙舞」，Mark哥大可以一腳踢佢走，力捧細妹Melissa！況且Melissa聽教聽話，過去半年喪拍黑人片，單係呢點已經冇得輸啦！
撰文：祖