電騙停不了，睇完「專業人士」對付電話騙案段片，大家應該學到嘢啦！之不過咪以為咁就唔會中招噃，事關騙案總有一單喺左近，好似美國四仔界不時都發生脫星騙案，當然唔關脫星事，多數係騙徒利用脫星嘅寫真喺網上呃錢，色字頭上一把刀，小心呀！
其實「脫星騙案」好簡單，畀人呃嘅衰鹹濕，咁咪中招囉！喺歐美國家，好多脫星兼任伴遊根本係家常便飯，囡囡喺伴遊網站「掛牌」，網友就按囡囡身處目的地揀伴遊，然後付費，到時到候囡囡就會出現，但隨住視頻網站普及，同時間可以招呼全球「淫民」，伴遊呢樣嘢買少見少，要搵高質素脫星伴遊更係難過登天！無奈，男人都係用下體諗嘢，睇到偶像做伴遊，畀得起錢又約到，仲用腦諗咩！
早前美國有網友喺討論區查問脫星Kortney Kane近況而揭發「脫星騙案」，呢位網友相信唔熟悉四仔界，喺伴遊網見到多張寫真，見到遊艇上面有兩件比堅尼索妹，其中一件係Kortney Kane，就即刻問價，留言話隨時Ready喎！但網友發現女方唔係叫Kortney Kane，而係叫Annie，為求證真偽上咗討論區起底，究竟網友最後有冇被呃錢得佢自己先知。但熱心網民經已幫佢起底，伴遊網嗰輯遊艇寫真，主角的確係Kortney Kane，而旁邊嘅巨乳索妹係女同脫星Molly Cavalli，呢位女同脫星喺2011年已全面退出脫星界，而呢輯寫真其實係兩女喺2010年替Muffia四仔廠拍攝四仔時嘅劇照嚟咋！
類似嘅騙案喺成人討論區實在太多，至於Kortney Kane之所以有咁多人回應，當然係因為佢夠索啦！現年31歲嘅Kortney，喺2010年入行，無錯32DD係假波，但5呎6吋高，40吋嘅長腿係堅料，加上床上無底線演出，黑白男、前後門、男女多P來者不拒，喺輕熟女市場可謂冇對手呀！可惜，舊年底阿妹悄悄離開脫星界，不過好多四仔迷都唔知道，傻吓傻吓等佢嘅新作品，又有好多人以為佢轉職做伴遊！Kortney Kane雖然冇向傳媒或喺社交網上交代引退，但你睇佢嘅IG或Twitter嘅所有分享都同健身有關，唔知嘅以為阿妹純為操弗，但睇真啲，佢運動時所着嗰件「戰衣」都有公司Logo，上網一Search，原來阿妹喺呢間健身室執業教練，網上仲有報道指當事人係老闆之一。唔出奇呀，細佬摷過阿妹嘅社交網，雖然佢冇公開男友係邊個，就算放閃都唔出樣，但食嘅玩嘅着嘅都係名牌，揸Benz又坐私人飛機，今日嘅Kortney Kane成個「名媛」咁，你話佢搵唔到食，搵鬼信咩？
撰文：祖