打仗嘅時候，將軍通常都係做幕後指揮，打打殺殺就留畀前線士兵。之不過，家陣做生意就未必可以套用呢種方法喇！所謂力不到不為財，幕後話事人如果可以親力親為同班員工齊齊落場搏殺，肯定個個都將士用命，表現都會出色好多！早前日本AV集團SOD嘅幕後玩家，新任社長野本義明親自同班女優及員工上街為公益，同時將流動炮房魔鏡一號晒冷畀大家睇！
小弟成日都話好欣賞日本AV集團SOD，除咗因為歷來SOD為我哋AV迷帶來好多出色女優，好似堪稱絕典嘅G奶女神夏目奈奈、範田紗紗、原紗央莉，至今時今日叱咤風雲嘅專屬三巨頭紗倉真菜、古川伊織以及白石茉莉奈，SOD集團喺製作AV方面別出心裁，多年前試過用直升機吊起藤崎Chloe玩空中潮吹，又試過帶女優去到動物園喺獅子面前激戰，到今日都冇其他AV廠試過！此外，由貨車改裝而成嘅「魔鏡一號」亦可以話係開創先河，又有邊個估得到，呢架外表平平無奇嘅貨車原來花費4,000萬日圓打造，專門駛到去大街大巷，等女優可以喺車廂當中同人激戰呢！早前，SOD將呢架喺1996年「服役」，即係今年已經「20歲」嘅魔鏡一號駛到去東京道玄坂街上作展覽。點解要揀呢個區呢？因為道玄坂乃係知名嘅情侶酒店集中地，喺呢條街展出魔鏡一號就可以等更多嚟到爆房嘅情侶睇到，幻想一下喺魔鏡一號激戰嘅快感。
點解SOD會有咁破格嘅舉動呢？其實當日日本民眾都為咗慶祝萬聖節而上街，如果大家有睇過當日網民拍攝嘅高空鳥瞰圖，就可以見到涉谷街頭真係人頭湧湧、萬人空巷，簡直係插針都插唔入！而SOD就趁機展出魔鏡一號，吸引更多人注意，幫助宣傳啦！但係SOD最主要嘅目的係進行公益事務，就係清理垃圾喇！而今次嘅執垃圾行動就係由剛剛擔任社長嘅野本義明帶領！記得前年，SOD公開招募社長，以高薪厚祿吸引各國有志從事AV業界嘅年輕才俊加盟，而野本義明過關斬將終於順利登上社長之位。而義明到任之後，好積極咁推動公司事務發展，更重要嘅係帶動SOD肩負起社會責任。
講到社會責任，SOD喺野本義明帶領之下，除咗喺10月29日當晚去執垃圾，為清潔街道出一分力，當日義明哥亦帶咗三個特別嘅垃圾箱出嚟同大家見面，鼓勵大家喺丟垃圾嘅時候主動作分類。分類垃圾箱喺香港同日本好多地方都有啦！有咩咁特別先？特別在於三款分類垃圾箱嘅入口都有感應器，只要將垃圾放入去就可以聽到SOD專屬女優嘅嗲聲，「可燃燒物垃圾箱」可以聽到紗倉真菜以及飛鳥玲把聲，而「不可燃燒物垃圾箱」就由市川雅美同古川伊織配音，至於「瓶、罐垃圾箱」係由白石茉莉奈同新人戶田真琴負責發聲。提到茉莉奈呢位SOD專屬女優，當晚佢好有心，從百忙之中抽空亮相，仲示範三款垃圾箱嘅誘人之處。至於戶田真琴呢位新紮師妹早前為SOD嘅環保小知識網站拍咗兩條相關短片，分別教大家用掀蓋式洗衣機嘅時候，將較重衣物先放入去，就可以節省電力消耗，以及將冷氣溫度調較到攝氏28度就有效排低碳排放，以後大家要記住啦！
撰文：賢