人有三衰六旺，但係面對霉運，我哋又係咪毫不作為，任由命運播弄自己呢？無論命運係好定壞都應該盡自己努力，特別係行衰運嘅時候，唔博又如何翻身呢？好似新一代日本寫真界性感女神金子智美就係最佳例子喇！
日本美少女團體AKB48、SKE48、乃木坂46、NMB48等等，主打龐大美少女陣容，呢班美少女青春貌美又活力十足，不論係宅男定中佬都被佢哋深深迷倒。由於上述嘅團隊成員都係美少女，所以成員年紀大咗少少，又或者氣質成熟少少就會顯得特別突出，好似NMB48嘅山田菜菜於團體當中年紀最大而被戲稱為「嬸嬸」，而金子智美當年亦喺所屬嘅AKB48當中被稱為姊姊，不過呢位姊姊魅力迷人，非同凡響。
26歲嘅金子智美濃眉大眼，但係本身一派妖媚姣相，唔會令人覺得佢似男人，反而覺得佢充滿女人味，有時亦顯露出一派少女甜美。智美身材同面孔一樣吸引，全因胴體豐滿火辣，前凸後趷，胸前脹卜卜嘅純天然F奶渾圓又極富彈性，絕對係一對稱霸日本寫真界嘅極品好波！
智美系出名門，喺2007年成功通過嚴格嘅面試，從芸芸眾多面試者當中脫穎而出，成為AKB48其中一分子。智美能夠加入AKB48如此一個咁具人氣又咁有前途嘅大型團體，應該可以好好發展演藝事業，可惜阿妹加入AKB48約6個月之後就被踢出局，至今原因未明，有人話係智美嘅表現未如理想所致。冇咗棵可以遮蔭嘅大樹，智美都唔愁冇出路，其演藝之路依然可以繼續，喺2010年搵到機會拍戲，仲成為電影《MAN HUNTING》嘅女主角添！不過，可能係套戲橋段老土，加上智美嘅表現唔夠突出，未能令佢更進一步。
拍戲、唱歌唔掂都唔緊要，因為智美仲有撒手鐧，就係一副F Cup火辣身材喇！智美全情投入寫真事業之後，火速為人認識，而智美亦唔錫身，拍寫真時大賣激情，好多時都真空上陣，試過好多次凸點演出，亦不時只用手指僅僅遮住乳點，畀大家更盡情更全面咁欣賞其極品F奶，結果成功翻身！
簡介：金子智美自從全力向寫真界進軍，人氣愈來愈高，工作亦愈來愈多，大家Click上其Twitter就可以睇到智美幾乎每一日都為拍寫真而忙碌，當然亦會睇到好多智美嘅火辣寫真照啦！
網址：https://twitter.com/kanesato1222?lang=ja
年齡：26歲
身高：5呎2吋
三圍：35F-24-33
撰文：賢