搵食艱難呢四個字，對絕大部分人嚟講係感同身受。唔好以為夜遊業，呢種生存多個世紀嘅性服務行業唔會有呢個問題，作為服務業嘅一種，其實佢哋亦係一樣。為咗吸引玩家捧場，就連日本嘅風俗店都要玩復古，以舊日嘅玩法重新吸引玩家。
早前報道過，內地夜遊業界人士既要怕畀警方掃蕩，又要擔心畀社區民間巡查組織舉報，真係四面楚歌！不過最近佢哋要提防嘅嘢又多咗一種，就係網格員。乜嘢叫做網格員呢？原來內地近年將城市社區進行網格管理，將社區劃成單元網格，同時設立網格員，而佢哋嘅職責就係用以加強同網格內居民聯繫，並方便監督同巡查社區。正因為佢哋具有社區監察功能，所以每當有色情場所喺網格內營運，佢哋總能第一時間發現。好似早前深圳寶安區石岩街道網格，有網格員為管轄範圍內出租屋，進行住客信息登記，點知去到一間出租屋敲門後，對方竟即刻熄燈，因此佢懷疑呢間出租屋內可能有蠱惑，於是佢報告畀上頭聽。網格中隊長隨即同警方聯繫，並採取行動，結果喺房內逮捕一對正進行性交易嘅男女，睇嚟夜遊業界人士又要擔心多一樣嘢喇！
日本嘅夜場種類相當多，要睇艷舞可以去舞場，要有女陪又想飲酒可以去酒吧，要同囡囡開房曳曳有出張風俗店。雖然選擇貌似好多，但係如果想一次過睇跳舞、飲酒同開房呢？以前冇唔代表家陣冇，最近日本湧現一種新類型出張風俗店，正正係將上面所講嘅3種玩法糅合於一身。呢種新類型風俗店稱為「出張歌舞表演」，正如佢嘅名字一樣，風俗孃上門後會提供艷舞表演，仲會同玩家飲番幾杯，等本嚟平淡嘅玩法增添更多樂趣，只係大家要留意，酒水係由玩家自備。隨住呢種新類型嘅風俗店，好似雨後春筍式增加，有風俗店加入一啲更加香艷嘅服務，從而提升競爭性。好似位於東京池袋嘅出張歌舞表演 「自由戀愛」，就提供一種失傳咗一段日子嘅香艷飲酒玩法「海帶酒」。所謂「海帶酒」係先讓裸體風俗孃合腿跪坐，然後將酒倒喺兩腿之間，玩家就喺當中飲酒，由於毛髮會喺酒中飄蕩，形態好似海帶咁因而得名，唔知大家有冇興趣試吓呢？
撰文：魂