人事變動，例必打風，深圳這陣子的風吹草動很多玩家都知道了，跑羅湖線的同事回來通報，連普通的照片都拍不成，要另外找內容頂替，「其實做唔做宣傳都一樣有機會出事，但呢個時候你仲咁高調就一定有問題，所以啲老闆都紛紛收斂，連續三個星期o架啦。」問阿畢，他說當然知道最近的事，不過他仍然是有點口硬，「我都唔係唔識死嘅，咪小心啲囉！」跟阿畢聊開，這位膽生毛之士之所以有一點懼色，是因為有相熟的場被查封了，開不到門。
「係啦，仲諗住同個朋友上去玩，點知就閂咗門，後來經理話會開番，過兩日又話唔得喎，我都知有麻煩o架啦！」阿畢說，自己的問題不大，「呢間唔得咪去第二間，最慘係我老友，貪小便宜買咗間場啲儲值卡，都成幾千蚊o架，間場開唔番就可以報廢！」是的，近年一些中型場都推出類似的儲值卡，人客為卡充一個數字的幣值，除了下次埋單更方便之外，還有一定的優惠，所以有些熟客都願意買卡，「最緊要係型，埋單嗰陣畀張卡扣錢就走得吖嘛！」世事無絕對，誰知這場風會刮多久？張卡會不會作廢？
撰文：黃韋龍