天要下雨，娘要嫁人，男人想點擋都擋唔住。又正如日本AV女優要引退，作為AV迷如何哭叫、如何哀號亦一樣係徒然。最近，童顏巨乳女優星美梨香突然宣告引退，消息震驚日本AV界！有傳媒火速訪問咗梨香，得知引退嘅原因係同佢家人有關！
小弟記憶力一向唔差，臨近年尾小弟又回憶起上年12月去到澳門成人娛樂博覽採訪，當日相當忙碌，要走訪場內各個檔位，仲要一眼關七留意兩個舞台上演嘅節目，由R18.com請來嘅沖田杏梨、湊莉久、Julia等頂級人氣女優當然係萬眾矚目，吸睛力無限啦！而另一個舞台就上演KMP頒獎典禮，可以見到濱崎真緒、佐倉絆以及星美梨香等知名女優上台亦一樣咁吸引。小弟喺頒獎禮之後訪問咗星美梨香，發現佢小巧玲瓏，本身小弟身高只有1米6，而梨香着埋高跟鞋都仲矮我半個頭，喺AV中要細細粒嘅梨香同班高大雄壯男優激戰，認真辛苦晒！
可惜，梨香早前突然宣布引退，連日期都定埋，就係12月17日，到時AV界又少一個出色女優喇陰功！日本AV資訊網站dxbeppin-R.com得知梨香引退消息之後，話咁快就邀請阿妹做訪問，佢表示雖然出道5年，但仍然好難忘第一次拍攝AV，仲自爆當時飲咗好多紅酒同威士忌，飲到醉醉哋至鼓起勇氣同男優激戰！
梨香原本係寫真偶像，不過就唔算太出名，為咗搵食，足足考慮咗一年至決定拍AV。而考慮下海嘅時候，梨香最大嘅憂慮係屋企人，因為怕父母同妹妹難以接受，估計唔到畀佢哋知道自己赤身露體拍AV之後，大家嘅關係會唔會有180度嘅轉變。而梨香決定拍AV後，幾乎冇同屋企人聯絡。
之不過，紙包唔住火，終於畀阿媽發現，梨香就話媽媽係明白事理同開通嘅人，對其AV事業冇太大抗拒。相反阿爸知道之後就幾乎同梨香斷絕父女關係，幸好家陣關係已經好轉，早前梨香去台灣演出時，其父亦有於梨香嘅社交網留言問候。至於妹妹其實一早知道梨香拍AV嘅事，不過就冇出聲，因為當時阿妹仲讀緊書，費事穿煲之後被同學說三道四。提到媽媽，梨香仲顯得特別感慨，更大讚媽媽對佢相當寵愛，梨香變得咁可愛咁靚女又咁堅強都係因為偉大嘅母愛。
喺訪問當中，梨香提到媽媽時都有眼濕濕，另一方面又死都唔肯講點解咁突然宣告引退，引退日期仲要定喺下個月。有AV迷估計梨香咁急要引退，可能係大咗肚都唔定，第一個原因係梨香一向都表示自己相當鍾意交歡，無論喺戲內戲外亦係一樣。第二係梨香語帶雙關歌頌母愛，可能係感同身受好快要做媽媽之故。第三係梨香近期喺社交網上載嘅照片大部分都唔似之前咁衣着性感同貼身，令人覺得佢刻意用鬆身衫遮住個肚。當然，以上都只係猜測，梨香係咪真係畀人搞大咗個肚就要等日後至知喇。之不過，梨香嘅引退的確令人憂心，憂心其所屬AV片廠KMP又失去一個王牌！原因係梨香、友田彩也香同佐倉絆素來係KMP賴以搵食嘅三大巨頭，但係早前彩也香已經宣告離開，而梨香又話引退，只剩低佐倉絆，雖然阿妹實力強橫又夠人氣，但係得佢一個又真係好難撐得住喎！即使KMP搵來藝能人小松千春以及紫艷加盟，可惜兩個都已經係明日黃花，KMP嘅前景真係令人擔心呀！
撰文：賢