家陣大家都鍾意上社交網絡睇吓其他人嘅新消息，又或者發布自己嘅新動向。好多人都覺得要為新動向配張相片唔係咁容易，不過大家唔使怕，大可以搵茜沙耶幫手，因為佢係有名嘅寫真素材女王，拍過好多形象百變嘅寫真，梗有一張啱大家使！
日本寫真女郎形象性感，雖然拍寫真時鍾意大露酥胸，但係主打健康感覺，形象亦算正面。是以，唔少商品都會搵佢哋拍廣告，又或者做代言人，成日都可以見到其嘜頭。如果大家有去過日本嘅彈珠機店，幾乎每一間都會見到寫真女郎如杉原杏璃、今野杏南等頂級寫真女郎嘅蹤影喇！除咗佢哋之外，茜沙耶喺不同媒體嘅曝光率都相當高，當中嘅原因一陣至話畀大家知。
茜沙耶芳齡23歲，樣子生得可愛，亦帶點楚楚可憐，呢副被稱為「狸顏」嘅面孔萌味出眾，但又唔會令人反感，男人見到茜沙耶一定好想錫吓佢、氹吓佢。茜沙耶個子唔高，得5呎1吋，胴體鮮嫩白滑，肌膚晶瑩剔透，高品質嘅肌膚令圓潤G奶更加耀目誘人，如此雪白且巨型嘅玉乳的確相當吸睛，之不過茜沙耶就唔係單靠個胸嚟搵食。
茜沙耶喺17歲嘅時候隻身由鄉下廣島去到東京尋找演藝發展機會，當時阿妹已經做過少女模特兒。不過，4年過去，茜沙耶嘅名氣始終都未能成功谷上高位。直至2014年參加「實況錄音女王競賽」，憑着活潑表現成功奪得冠軍，人氣直線上升！沙耶挾住呢股人氣向寫真界發展，喺2015年推出首隻寫真映像作品《Milky Glamour》，展現其豐滿胴體。
茜沙耶喺寫真界成功登陸，另一方面阿妹仲成為寫真素材網站pakutaso.com嘅專屬模特兒，所謂寫真素材，即係由模特兒配合不同主題拍下寫真照，畀大家下載使用作為配相之用。網站每個星期都會推出一輯茜沙耶嘅主題寫真素材，從中大家可以見到阿妹形象百變，扮完OL又扮護士，近期就扮小魔女啦！沙耶每個扮相都似模似樣，動作同表情亦入型入格，認真叻女。
簡介：茜沙耶除咗會喺Twitter分享自己每日吃喝玩樂嘅消息，仲會經常上載自拍性感照，Click上去瀏覽一下必定大飽眼福。
網址：https://twitter.com/sayahana1?lang=ja
年齡：23歲
身高：5呎1吋
三圍：37G-25-35
撰文：賢