雪白柑菜嗒落有味

纖巧綺麗

日本最大型嘅AV集團北都，旗下有三大AV廠，包括S1、Moodyz以及IdeaPocket。三間廠各擅勝長、各有特色，不過當中就以I廠最運滯，點解？因為自從混血小天后Rio、希志愛奈、美雪愛麗絲引退之後，廠內唔係話冇出色女優，但係銷售成績卻冇乜起色！幸好，I廠早前舉行一個優質女優選拔大賽，從中挑選出唔少極具潛質嘅新人，當中包括雪白柑菜喇！

柑菜現年20歲，雖然相當年輕，但係面上泛起一派姊系氣息，配合綺麗又溫文嘅面孔，兩者相得益彰，予人迷人又甜美嘅印象。至於身材方面，同好多姊系女優一樣，柑菜嘅胴體勻稱纖巧而帶曲線美，肌膚雪白而肉地結實有彈性，上圍則有堅挺嘅純天然D奶，外在美方面相信冇乜人會有所挑剔喇！

騷到入骨

柑菜係今年4月出道嘅I廠專屬新人，據講佢係從年初I廠舉辦嘅女優選拔賽奪得「美女部門」冠軍，從而獲I廠提拔。由於柑菜質素優秀，故I廠一心將佢打造為未來天后，捧阿妹成為Rio接班人，為咗達到呢個目的，I廠為柑菜做咗好多宣傳工夫。

雖然打開4月份嘅作品銷售成績單，柑菜嘅作品銷量唔算特別好，但係阿妹嘅演出已經喺AV迷心目中留下深刻印象！小弟認為柑菜嘅演出可以用一個字去形容，就係「騷」！柑菜睇落成個斯文大姐姐咁款，但係呢個只係其外在包裝，佢同男優一經接觸，就會變得相當風騷兼且嗲聲嗲氣，AV迷就算隔住螢光幕都可以感受到骨騷肉軟。咁都未算，柑菜同男優激戰嘅時候，快感往往令佢又咬手指又扯床單，同時仲閉目享受、張開口發出響亮嘅呻吟聲，演出令人回味無窮，更想再三回味！

推介作品

碟名：《我與柑菜太甜蜜的同居生活》

片長：148分鐘

出品：Ideapocket

內容： 本作以主觀角度拍攝，令觀眾好似身歷其境，同雪白柑菜兩口子享受同居生活一樣咁過癮。之不過，柑菜絕對唔容易應付，因為佢無時無刻都掛住交歡，例如食完早飯之後好快就口痕，「雪」一聲就捐落枱底吹奏一曲！見到老公仔收藏AV，柑菜又發脾氣要老公出盡力激戰以示歉意。臨瞓之前，柑菜又話要激戰一場先肯瞓，於是老公又要再下一城，做佢老公真係辛苦！

雪白柑菜Profile

年齡：20歲

身高：5呎4吋

三圍：33D-23-34

撰文：賢