做人唔好咁死板，成日都做同一件事、睇同樣嘅電視劇，真係你唔悶我都悶啦！是以，為咗尋找新鮮刺激，小弟建議大家不妨多閱讀，例如今日為大家介紹嘅其中一本情色工具書咁，教曉大家多種床上體位，睇完可以令房事變得更精彩啦！另外，一本由超人氣極品寫真女郎演出嘅寫真集，以繽紛色彩為主題，令大家睇得悅目醒神！
雖然喺日本寫真界有好多18歲美少女下海拍泳裝照，不過日本當地要到20歲才算成年，所以佢哋嘅泳裝照多數都係點到即止，鮮有暴露嘅演出。然而，當佢哋踏入成人之年，演出就會嚟個性感大爆發，好似剛滿20歲嘅都丸紗也華咁！紗也華係近年日本寫真界嘅開心大發現，因為阿妹質素高，發出耀眼光芒，樣子甜美可人，青春魅力逼人，絕對係美人胚子，仲有一副白裏透紅嘅激凸胴體，胸前對F Cup巨奶極之吸睛！喺最新寫真集《とまるまる》當中紗也華嚟個大解放，好多場面都真空上陣，只以雙手護胸，飽滿上圍呼之欲出！此外，紗也華除咗展露燦爛笑容，亦會穿上顏色鮮艷嘅泳衣同飾物，令寫真集每張相都悅目繽紛，睇完之後心情幾灰都會覺得人生多姿多采！
書名：《とまるまる》
售價：約HK$164
由懶女人火速變成辣妹，唔係無可能（口架）！當然唔係行為放蕩咁簡單，話晒埋身肉搏都要講求技術，個殼呃到男人，上到床乜都唔識仲樣衰呀！要喺有限時間內變身辣妹留住另一半？即刻「單撈」電子書《Dirty Little Secrets: The Good Girl Guide to Bad Girl' Sex（NSFW）》（目及）吓，得25頁，唔使半日就睇晒，當然你要有一定床上知識，例如前奏點玩、男女基本體位、一般人床戰習慣，咁先更易明白本書講乜。作者非常細心，喺一個乖乖女角度出發，用最簡單直接兼溫柔嘅用字，教授無知又唔肯主動學習性愛嘅懶妹點搞嘢，皆因作者除咗寫兩性書籍，本身係一名性學家，每日工作係收集性愛奇難雜症，佢表示除咗身體缺陷，從未有解決唔到嘅性愛難題，大多數人都係出於心理影響生理，尤其女性對性愛嘅固執及無知，一經開通，地獄都變天堂。呢本書細分得非常清楚，主要從心理出發，先了解閣下感性程度、學習大膽性幻想、發掘雙方戀物癖、學習女性「波哋」喺床戰中嘅力量等等，再深入啲仲有後門入門玩法，總之簡單易明！
書名：《Dirty Little Secrets: The Good Girl Guide to Bad Girl' Sex（NSFW）》
售價：約HK$23
點解性愛體位要有咁多？因為唔同體位都有唔同嘅特性，帶畀男女雙方唔同嘅快感。既然係咁，體位其實有幾多種呢？呢本《換姿勢，再愛一次：99種最愛體位》為大家帶嚟超乎想像嘅99種性愛體位，詳細剖析唔同動作會帶嚟乜嘢激情體驗。作為「換姿勢」系列嘅第2部著作，呢本書添加22種新奇體位，為大家將本嚟視為例行公事嘅床上切磋，變成更有樂趣同享受嘅美妙交流。喺書中嘅99種體位中，例如「8字交纏」、「大開眼界」、「雙人搖籃」等，每個體位不但附上「激情挑戰度」，讓大家根據自己嘅能力，選擇適合嘅動作。另外，每個體位附加「銷魂小秘訣」，詳細指導做法同各種細節，等大家知道呢種體位帶畀男女雙方乜嘢體驗。唔想令交合動作變成乏味工作，不妨搵呢本書作為參考。
書名：《換姿勢，再愛一次：99種最愛體位》
售價：約HK$80
撰文：賢、魂、祖