雖然大家同為黑色，但「碌7」瑪瑙黑同「艾瘋7」亮黑嘅下場有好大分別，一個多鑊氣，一個被瘋搶。話時話，黑色喺潮流界一直係長青色調，佢同時喺情色俚語界亦涵蓋廣泛。今次一於為大家介紹黑及Black有關嘅成人詞語啦！
女性肚臍對落芳草萋萋嘅黑三角，俗語稱呢個神秘地帶做「黑森林」，只係佢嘅英文叫乜呢？當然唔係Black Forest啦，英國人愛稱佢為Black Jock或Black Bess。呢個早喺18世紀已出現嘅俚語，時至今日，佢哋已傾向形容男性嘅黑三角。至於形容女性嘅三角地帶，更愛暱稱做Beaver；其中文意思解做河狸或海狸，呢種動物毛鬙鬙不知幾咁可愛，因此用佢嚟稱作女性嘅黑森林，確實相當適合。
如果喺狂野派對中，見到有男女褲袋伸咗條Black Handkerchief，即係黑色手巾出嚟，大家唔好以為佢係潮流配飾咁簡單，原來佢有另一層意思，就係指佢係愉虐愛好者。原來喺歐美盛行一種手巾準則（Handkerchief Code），以唔同顏色嘅手巾或頸巾，用作識別個人性癖好，好似黃色代表戀尿、啡色則代表愛便便玩法等。起初歐美對唔同顏色嘅定義冇一定標準，及至Larry Townsend喺1983年推出嘅第二版《Leatherman's Handbook》中，對手巾準則下咗個權威性定義，令佢嘅指向性變得規範化。
《Men In Black》（港譯：黑超特警組）呢套電影咁具人氣，試問鍾意玩惡搞四仔嘅美國四仔片廠又點會放過佢呢？由Wicked Pictures喺2012年推出、重金巨製嘅四仔版《Men In Black - A Hardcore Parody》，絕對係誠意抽水之作！佢由著名四仔導演及男脫星Brad Armstrong執導，並搵嚟Misty Stone、Jessica Drake、Alektra Blue、Randy Spears等多位四仔界巨星演出，劇情幾乎跟足正版電影。話說由Misty Stone飾演嘅黑超新丁Agent J，啱啱加入黑超凸警組，肩負起偵破外星人襲地球陰謀嘅重責，估唔到方法竟然係要用肉體嚟解救。作品喺2013年AVN頒獎禮，獲得最佳化妝及最佳特技兩項大獎，同時得到最佳編劇、最佳美術指導、最佳惡搞喜劇等8個提名。
如果要選近十年日本AV界最佳身材嘅女優，黑木亞里莎絕對榜上有名。佢喺1985年10月15日出生於東京，並於2008年6月以AV片廠MAX-A專屬女優身份出道，推出處女作《New Comer》，憑住一對38G巨乳而成為哄動一時嘅新進女優，甚至有人稱佢做「絕品肉體教科書」。雖然身材激凸，但係佢並非以癡女形象登場，反而以純情鄰家女孩外形示人。含羞答答加上青澀嘅床上反應，令AV迷更有征服佢嘅衝動，難怪喺不同AV片中，佢經常飾演被眾男優攻擊嘅一方。及至2011年6月以單體女優身份轉投另一AV片廠加勒比，迎接女優生涯首套「步兵」作品《Perfect Body》，不但以一對巨乳吸引AV迷為佢舉槍致意，更以令人幻想已久嘅重要部位，衝擊大家嘅視覺。可惜隨住眾多新進巨乳女優登場，佢喺2012年便慢慢淡出AV界。
撰文：魂