護士魅魔莫莉卡

對年紀有番咁上下嘅機迷嚟講，都會經歷過《街頭霸王》、《拳王》等格鬥街機熱潮，當中唔可以漏咗Capcom喺1994年推出嘅《魔域幽靈》，今次介紹嘅模型就係遊戲中僅有兩位女角色之一嘅莫莉卡‧安斯蘭特。佢以一個會喺男性夢中吸取對方精氣，嚟自歐洲傳說嘅女妖「魅魔」為設計背景，外形妖味十足，綠色長髮、緊身制服加上半露巨乳，仲有頭頂及背部嘅蝙蝠翼，單係外形已經夠晒神秘，亦憑此成為遊戲中嘅大熱角色。