唔知大家有冇幻想過，當呢個世界只剩低你一個男人嘅話，生活會變成點呢？會變成日做夜做，做到「精」疲力盡嘅配種生物，定係覺得艷福無邊呢？呢隻由日本著名十八禁遊戲開發商Softhouse-seal推出嘅新作《絕對遵守☆ New~短柄世界》，正正以一個咁嘅世界為故事背景。
作為「絕對遵守」系列嘅官方認可第3個作品，情慾戲可算交足功課。故事講述呢個世界出現男嬰出生率下降嘅現象，從最初每100人誕下1個男嬰，到每1,000人誕下1個男嬰，最後出現可怕嘅1:8,585嘅情況。面對人類即將滅亡嘅威脅，有一位天才誕生，佢就係男主角成瀨斗真！擁有超凡智慧嘅佢，決心肩負起拯救人類嘅重任。
時間過咗20年，年紀輕輕嘅佢已成為國會議員，呢個時候佢宣布「為咗拯救人類，在此SEX新法案！」就係人類歷史上首次出現自由性行為許可證！呢種無限制自由交配嘅制度，可唔可以為人類未來帶嚟希望呢？不過第一個問題係，佢嘅精力可唔可以滿足到咁多女性，同埋交配得多唔代表一定會有男嬰喎！
開發商：Softhouse-seal
售價：￥8,800（約HK$665）
撰文：魂