講到呢期最重口味嘅玩樂場所，相信非日本嘅原味風俗店莫屬，呢班風俗孃唔沖涼，讓玩家感受佢哋嘅「原始」味道，有人覺得係特別嘅體驗，又有人話呢種先至係真正嘅女兒香，不過小弟就覺得唔多衞生。姑勿論如何，想試唔想試，由你自己決定。
內地嘅色情卡片上所印嘅美女，係人都知只不過係廣告嚟，個場梗係唔會有呢個囡囡出現啦！但總係會有啲麻煩玩家唔係咁諗，令人好頭痕。有色情應召業者表示，經常遇到某位玩家預約，本嚟有客送上門係好事，不過呢位仁兄每次都會大吵大鬧話貨不對辦。事緣呢位玩家每次打電話畀聯絡人搵囡囡時，都指明要卡片上嗰位靚女，聯絡人見有生意，梗係話乜都得啦！之後帶囡囡喺指定地方畀玩家睇辦，呢個時候對方就投訴囡囡跟卡片上嘅女郎唔同，要求換女，開頭聯絡人都好聲好氣同佢解釋，後來見愈嚟愈唔對路，就帶埋囡囡走人。點知事隔幾分鐘，呢位玩家又打電話嚟搵囡囡，擺明玩嘢。色情應召業者話情況就如餐廳嘅餐牌咁，啲食物影得好靚，當碟食物上到枱一定唔會同相片完全一樣囉。
大家都知喺台灣經營色情場所，同埋從事相關行業都係犯法，就連嫖客亦要受罰，故此每當警方進行突擊掃蕩時，不論場所負責人、囡囡定係玩家，都會諗盡辦法可以甩身脫罪。早前高雄有間按摩店，被民眾舉報當中有色情活動，警方先派人喺店外埋伏搜證，當時機成熟後即刻採取行動，結果喺店內二樓嘅包廂中，發現一對男女正進行性交易，男方喺警方盤問下，承認以1,500元新台幣（約375港元）嘅價錢享受半套服務。之不過，女方卻唔肯承認提供性服務，仲話係自己唔小心碰到男客人嘅下面，冇從事色情活動。不過，警方當時見到呢位囡囡手握兵器，冇理由係唔小心碰到啩！所以話，要搵理由或藉口，都搵個有說服力啲o架啦！
日本風俗店種類超多，從OL到人妻，再由制服到愉虐，只要玩家諗得到嘅幾乎都有得玩，而講到玩法，更係出乎大家嘅想像。位於東京銀座嘅陪酒店「Divorced Club - Diary-」，唔單止主打離婚風俗孃，仲玩埋原味！喺日本呢類型嘅風俗店為數唔少，有研究指喺現役風俗孃中，每三個中就有一個係離婚女性，所以一啲都唔出奇。而所謂原味嘅意思，即係風俗孃唔可以用上任何帶有香味嘅化妝品，香水當然亦唔可以用。玩家同風俗孃去到酒店後，當然先去沖涼，而風俗孃卻唔會洗白白，以保持身上嘅原味。據講呢種天然嘅氣味，可以挑起男士原始本能，亦能激發男性最大嘅雄風。喺冬天，體味濃極有限，只係喺夏天嘅話，嗰陣味相信唔係個個都接受得到囉！
撰文：魂