唔願溝女嘅男仔叫草食男，至於主動溝仔嘅女仔就叫做肉食女。前者唔抵可憐，後者當然係多多益善啦！之不過，肉食女真係唔容易應付，好似日本寫真界新貴春菜惠咁索到啪啪聲，問你頂得幾多個！
師傅成日都叫我小心啲人笑裏藏刀，見到人無端端對住你笑吟吟一定有蠱惑。小弟梗係會記住師傅嘅說話啦，但係每次見到女仔對住我笑咪咪，就會即刻投降，佢哋提出任何吩咐同要求，我都會照做無誤。大家會話我個人犯賤，一定係個標準嘅老婆奴，幫老婆洗埋底褲都甘心！但大前提係要有春菜惠呢種級數先會令我死心塌地。
春菜惠風華正茂，面上集合青春美、綺麗美，最重要就係夠甜美！每次見到佢滿有神采嘅明亮眼神，以及嘴角滿含春色嘅樣子，相信冇幾多個男士能夠抵受得住呢種強大魅力！春菜惠仲擁有一副誘人身段，身材纖薄而帶點高挑感，婀娜兼且曲線迷人。春菜惠胸前更有一對34D美乳，睇頭十足，吸睛力強，配埋鮮嫩細滑嘅肌膚，認真無懈可擊！一流呀！
2010年春菜惠首次亮相於賽車界，擔任SUPER GT賽事嘅賽車女郎，由於阿妹樣靚身材正，去到邊都好似漆黑中嘅螢火蟲一樣咁鮮明、咁出眾，及後佢跳入公仔箱，仲做埋東京電視嘅娛樂性節目《過度COZY》嘅第九代形象女郎添！
惠妹自從人氣與日俱增，喺2010年年底推出首隻寫真映像作品《Angel Kiss》，正式向寫真界進軍，直至今時今日依然保持住每年推出兩至三隻碟，當中就以上年推出嘅《Secret Lover 2》最受歡迎，曾經榮登Amazon偶像映像作品排行榜第一位，認真叻女！提到秘密情人，春菜惠唔知鍾意點樣嘅男人呢？佢表示喜歡和善型男人，年齡不拘！春菜惠自言係一名肉食女，鍾意飲酒、夜遊，面對男人會好開放，見到心儀嘅男性更會主動出擊添！我性格都好和善，春菜惠不如考慮吓我啦！
簡介：春菜惠同其他賽車女郎以及寫真妹感情相當好，大家可以從佢嘅博客當中見到阿妹成日同佢哋一齊飲飲食食，想了解更多不妨Click上其博客。
網址：http://ameblo.jp/haruna-megumi-blog/
年齡：25歲
身高：5呎4吋
三圍：34E-24-35
撰文：賢