幾時都話，喺脫星界上咗位，真係唔愁冇錢搵囉！難怪啲囡囡個個瞓身拍四仔，前後門都開晒啦！好似熟女Tanya Tate係四仔界富婆，佢好識搵銀，究竟佢啲錢點賺呢？今日話你知！
每次講起Tanya Tate，傳媒總會話佢最叻搵銀，咁究竟有幾叻先？話說喺2005年起，Tanya姐成立一間公關公司「Star Factory PR」，坦白講，當時真係無人識佢，亦無人用佢，不過阿姐堅持小本經營，到今日經已係業界一間人人都識嘅PR公司，話冇錢賺你都唔信啦！點解Tanya姐會開設PR公司呢？因為佢好聰明，早知道自己會喺脫星界長期作戰，如果想紅就一定要靠宣傳，加上佢係英國妹，吼準同鄉姊妹會學佢過美國搵食，有宣傳嘅必要，而PR公司就正好幫到佢哋，所以點會冇錢賺吖！大家應該明白Tanya姐吸金力強，全靠佢有遠見同食腦呀！
點解無情情幫Tanya Tate宣傳佢間PR公司呢？巴打誤會晒，實情係細佬睇唔過眼，事關每日各大小成人新聞網站，十單業界新聞中，佔咗一半都係由Tanya姐間PR公司發布，亦即係話你唔想知都要睇。而Tanya姐十多年嚟嘅功力，經已由個人客戶發展到公司機構，好似早前有片廠Royal Empire Productions同Star Factory PR合作，日後有咩新動向全部交晒畀Tanya負責。另一方面，Tanya姐更係男女不拘、大小通吃，大牌如澳洲乳牛Angela White、勁正勁嫩口嘅Jillian Janson、剛宣布復出嘅Hot爆熟女Briana Banks以及Gia Paige等都係佢嘅長期客戶。
巴打或者會奇怪，Tanya姐手頭上有咁多客仔，點解唔直接搞Model Agency呢？咁諗證明你太年輕喇，Model公司多女固然容易賺大錢，問題係囡囡難留，要Keep住長期有咁多高質索女好困難，仲要跟同行競爭，就更加搵食艱難，相反開PR公司只係搞吓活動、發新聞稿就完成，以Tanya姐嘅人脈完全無難度。但以上都唔係今日Tanya需要嘅，以佢今時今日嘅地位，真正需要係群星拱照，增加自己曝光率先真！例如每次同脫星合作，傳媒總要問幾句Tanya姐有咩睇法，唔知仲以為佢係「脫星教主」，最近佢同DJ脫星Darcie Dolce合作，佢對傳媒大讚Darcie喺脫星新世代嘅成功例子，查實阿姐咁多年都未曾同佢合作過，唔係亂吹係乜呢？
撰文：祖