所謂熟能生巧，唔熟就練到熟，好多時男人就係因為懶，唔鍛煉床上技巧，因而唔能夠同對手如魚得水，表現唔合格！咁點先可以練出一身「好功夫」呢？可以從情色工具書中學懂一招半式。另外，今次為大家介紹嘅寫真集，演出嘅寫真美人出道多年，舉手投足都散發出攝人魅力，絕對值得欣賞。
日本寫真界巨乳美女眾多，不過絕色美人喺我心中只係得一個，佢就係杉本有美喇！阿妹佢天生麗質，五官標致迷人，氣質綺麗又有女人味，其艷色足以壓倒寫真界同藝能界任何一位女優！有美仲有一副婀娜又白滑嘅驕人身材，應大則大，應細則細，曲線優美又誘人，簡直就係上天嘅傑作！難怪佢喺2002年參加「Pichi Lemon 第一屆讀者模特兒選舉」奪得亞軍，之後加入寫真界發展一帆風順。
近期有美除咗拍劇同演出舞台劇之外，仲進軍樂壇，而寫真集《it's me》就係佢最新力作，據知有美為咗令寫真集內容更加精彩，拍攝咗超過20,000張照片，再細心咁同攝影師挑選出最滿意嘅照片收錄於寫真集，當中見到有美繼續發揮強勁魅力，以各種性感打扮搔首弄姿、典床典蓆，為咗展露最自然一面更真空上陣，外面只穿一件薄薄嘅背心仔，出現唔少飛釘場面，正呀！
書名：《it's me》
售價：約HK$243
任你精力充沛，創意澎湃，甚至對手無限，都總會有悶場嘅一日，遇到咁情況點算好？唔使愁，有《Bedroom Boredom Busters》幫手！呢本電子書集結咗30種床上刺激玩法，男同女各佔15款，每一款都要男女共同玩樂方可完事，除咗得到性高潮外，亦可從過程中令彼此更加了解，增加床戰默契，感情變得更親密。
講晒你點玩就變得好無趣，但細佬可以話所謂刺激玩法，大部分係你同我都嘗試過嘅玩意，過程中唔需要任何大型道具或事前準備工夫，利用家中一啲簡單小道具都可以變成床上情趣用品，而當你一邊開波一邊睇住呢本書照做，就更加過癮。
話就話分為30種玩法，但原來每一個玩法都互相有關聯，即是話今日玩緊呢一招，可能未玩得晒就提早「完場」，唔緊要o架，聽日可以接住落去繼續玩，咁就唔怕動作重複啦！係咪好想即刻買番本返屋企同伴侶邊睇邊玩呢？
書名：《Bedroom Boredom Busters》
售價：約HK$148
明明身體機能正常，卻對性愛提唔起興趣，點算好呢？呢個時候就需要搵性教練幫手。所謂性教練其實係近年喺歐美地區興起嘅諮詢及商議式療法，佢以性學同心理學為基礎，並運用各種創意同實效兼備嘅方法，為當事人解決性方面嘅困擾。如果有興趣了解呢種工作嘅話，就要睇睇呢本書《不要讓床冷掉：如何成為一位性教練》，作者Patti Britton係美國著名性教育師，以其自身豐富嘅實戰經驗，介紹性教練嘅工作範疇同守則，並且提供如何自我訓練，從而成為一位合格性教練。此外，佢仲會講述性教練應如何對當事人進行評估、教練課程點樣進行、唔同性取向族群會遇到嘅問題等。佢喺書中講到，性教練非單純口頭諮詢，仲可以走出所處空間，帶當事人去搵最合適嘅情趣用品。不過佢重申性教練並非醫生，而係令當事人享受到性愛嘅合作夥伴。
書名：《不要讓床冷掉：如何成為一位性教練》
作者：Patti Britton
譯者：林蕙瑛
售價：約HK$113
撰文：賢、祖、魂