夏日炎炎浴衣盛宴

仲夏夜日本街頭最常見嘅女性衣着,並非吊帶背心而係浴衣。理由好簡單,就係每年夏季日本有唔少地方都會舉辦夏日祭典,呢個時候日本女性都以浴衣作為應節服裝。雖然大家都着浴衣,但有啲女仔着起浴衣零舍迷人,唔信嘅話大家睇吓以下各位浴衣女神!

羽田愛 更添青春

正所謂人靠衣着,當1989年9月22日出生嘅AV女優羽田愛換上浴衣時,令原本外形萌爆嘅佢,更添幾分青春少女氣息。事實上,喺佢出道之前,本身係水着女優,至2010年2月轉投AV界,並推出處女作《藝能人羽田愛AV Debut》,實行將青春魅力強力發射!

吉澤明步 萬眾女神

講到最迷人嘅浴衣女神,當然唔可以唔提AV女優天后吉澤明步。於1984年3月3日出生嘅佢,好早已經同人講佢係浴衣嘅鐵粉,每逢夏祭必定參加,而且換上浴衣到場,家中更收藏大量浴衣。家陣已屆熟女之齡嘅佢,着上浴衣不但展現東瀛女性嘅味道,濃厚女人味更係震撼人心。

瑠川莉娜 二次元感覺

早喺瑠川莉娜以安西菜月之名做緊水着女優嘅時候,就已經有「二次元美少女」嘅稱號,及至2009年11月佢宣布投身AV界,並改用現時藝名推出AV作品,實行將二次元魅力帶入AV界。浴衣造型示人嘅佢,果真有幾分動漫人物嘅味道,而作為夏祭迷嘅佢,唔知會喺邊度現身呢?

愛咲令羅 騷在骨子裏

浴衣原來仲可以感受到騷在骨子裏嘅魅力。原名原千尋,喺2011年3月改名愛咲令羅嘅AV女優,就展現呢句說話嘅真諦。迷人嘅電眼加上修長美腿,配合浴衣嘅和風味道,嗰種攝魂勾魂嘅力場真係隔住個芒都感受得到。

明日花綺羅 艷麗迷人

以為換上浴衣嘅女性,總會表現出端莊美?咁要睇吓邊個着,如果係美艷嘅明日花綺羅着嘅話,便會感受到佢從內而外滲透出嚟嘅驚艷之中,帶點邪氣嘅魅力。於2007年以「最強新人」之名出道嘅綺羅,喺2009年Sky PerfecTV成人放送大賞奪得女優大獎,難怪魅力過人。

SOD Premium之夜

夏祭浴衣嘅迷人之處在於凸顯日本女性嘅魅力,想親身體會嘅話,嚟緊9月將會舉行「SOD Premium之夜 2016」,呢個由日本AV巨頭片廠SOD舉辦嘅夏日祭請嚟過百位AV女優到場同大家玩餐飽之餘,更會換上浴衣登場,絕對可以滿足大家對浴衣嘅種種幻想,有關詳情可上網瀏覽。

網址:http://point.sod.co.jp/

撰文:魂