Niki Mey愈變愈索

女藝人憑住20.5吋黃蜂腰爆紅,咁烏克蘭妹Niki Mey有22吋纖腰,都應該可以上位啦!無奈事實係完全相反,喺裸模界大把囡囡條腰仲幼過佢,因此阿妹奮鬥7年都係得個做字囉!

努力付出

藝人努力付出當然值得讚賞,但日講夜講悶唔悶呢?況且都係區區嗰20.5吋腰,唔使講到上火星咁勁嘛!如果為套劇減肥、忍口兼戴腰封就值喪褒,咁一眾日剝夜脫長期冇啖好食嘅裸模咪係地球上最偉大嘅女人,男人好應該頒個獎畀佢哋啦!好似27歲嘅烏克蘭妹Niki Mey,佢喺訪問中自爆,呢副索爆身形並非天生,一切都係靠後天努力,佢嘅付出不比運動員少!講得好,裸模嘅付出甚至比運動員更多,皆因佢哋嘅搵食架生就係副偈,運動員受咗傷可以休息,但裸模受傷要休養唔蒲頭,大家就會以為佢自動退出,冇人關心,冇人尊重,但佢哋依然默默耕耘,呢啲先係真正「睇肉」精神呀!巴打可能會話,冇人強迫阿妹做裸模,大不了可以着番件衫走人,假如咁諗證明你睇女極膚淺,一味睇副偈正唔正,完全冇欣賞過裸模背後付出幾多,對於呢種人,學Niki Mey話齋,一個都嫌多!

運動喪操

Niki Mey出道7年,試過好多轉變,唯一不變係副偈,唔係,應該話架生都有變,仲愈變愈索。阿妹話初出道時皮膚冇咁白滑,咪咪冇咁堅挺,寫真出街後,連佢自己都覺得樣衰又身材差,因此做運動喪操,所以今日大家睇到阿妹呢副靚偈係有血有汗o架!身為裸模Niki妹最明白同行之苦,好多人都覺得裸模紅咗就扮大牌,其實不然,Niki為姊妹解釋係因為經過時間洗禮,磨練到裸模要孤芳自賞,由於主流都以色情角度欣賞,裸模無法改變現實,惟有自己欣賞自己,對於世界各地都有裸模其實非常諷刺喎!咪話巴打唔識欣賞裸模,其實細佬都係睇波哋行先,又唔怪得我哋噃,邊個叫啲寫真網每日咁多新女登場,加上寫真焦點又集中喺囡囡三點,邊個得閒去理會阿妹背後嘅辛酸先?好似Niki妹咁,過去喺Met-Art、Femjoy及My Naked Dolls等大型網站演出過百輯寫真之多,如果拍少啲,自然就收入少啲,咁理想同現實,你揀邊樣先?

Niki Mey's Profile

出生日期:1989年3月11日

三圍:33D-22-33

身高:5呎4吋

精彩推介

簡介:Niki Mey入行多年,過百輯寫真又算得係乜,想睇?多個寫真網都搵都佢個嘜頭,不過細佬就懶啲,情願去呢個網(目及)吓阿妹有乜精彩演出先再連結其官方網,既慳時間,又睇到正嘢!

網址:www.thenude.eu/Niki%20Mey_15516.htm#Covers

撰文:祖