所謂萬丈高樓從地起，想成功亦唔係話可以一步登天，故由淺入深學習，好好打好基礎，咁先可以令技能慢慢培養出嚟！學習性知識亦係一樣，一開始就買本高階書一定睇到一頭霧水，分分鐘學到唔三唔四，今日介紹畀大家嘅寫真集及情色工具書易睇又易明，由淺入深幫助大家發揮出最強「性」能！
日本有好多規模龐大嘅美少女組合，出名嘅除咗有AKB48、乃木板46、SKE48等等，仲有NMB48。呢啲組合成員眾多，而且個個都係十零廿歲嘅妹妹仔，年輕貌美之餘，唔少都擁有一副豐滿誘人身段，好似已經轉投AV界嘅前SKE48成員三上悠亞就係好例子，至於NMB48成員山田菜菜同樣以激凸身材而備受注目！
24歲嘅菜菜氣質嬌美艷麗，喺NMB48當中艷壓群芳，而且歌藝出眾，成為NMB48初代成員嘅菜菜可以話係幫組合打好人氣基礎嘅重要功臣。除咗美貌過人，菜菜更係身材嬌人，想欣賞到菜菜有幾勁？咁就要支持一下菜菜最近推出嘅第二本個人寫真集《nanairo》喇！當中菜菜收起天真可愛，散發出成熟妖艷味道，演出時媚態萬千，意態撩人，穿上性感又暴露嘅內衣賣弄豐滿身段，將最強嘅火辣韻味完全釋放，小心睇到慾火爆錶！
書名：《nanairo》
售價：約HK$208
男人每分鐘都可以有性幻想，其實要提升慾火真係話都冇咁易，只係女人唔明白啫！咁點解仲有人會為「提升男人慾火」寫書，咁好明顯本書唔係畀男人睇，而係畀一啲唔太關注兩性關係，份人又蠢蠢哋，練精學懶嘅女人睇啦！不過就算你自認聰明女人都要睇呢本書《How to make him BURN WITH DESIRE...only for YOU》，重點係最後幾個英文字「只為你」，係咪聽到都冧先！點樣可以令男人一想起性就只諗起你，同時做完仲死心塌地為你服務？真係一啲都唔簡單，睇咗未必做得到，唔睇肯定唔知自己衰乜。呢本書由最初級講起，首先要習慣令男人注意你，不論床上床下都要關心你，連佢思維都要長期充斥住你，要男人習慣以你為中心，以你為標準批評其他女性，仲要女人唔使改變甚麼，男人都主動為你改變，有人會話做到以上條件已經唔係一段正常關係啦！無錯！但唔好意思，本書從來無話過男女關係要平等，佢只係從女性權益角度出發，希望女人唔好錯誤投資喺一個男人身上，最後又後悔，生活又唔開心，假如港女們都想餘生過得舒服啲，咁你就要學嘢喇，不過作者Lanie Stevens話「秘技」唔係睇完就識，亦非一朝一夕做得到，要睇對手反應，慢慢培養，書入面仲有好多床上絕招，自己慢慢睇啦！
書名：《How to make him BURN WITH DESIRE...only for YOU》
售價：約HK$62
撰文：賢、袓