假如有超能力嘅話，你最想身懷邊種絕技？會點樣運用？做好事定做壞事呢？而喺情色字典中，究竟有乜嘢詞語同「超」及「Super」有關呢？想知多啲嘅話，就要睇埋落去喇！
喺美國俚語中，「Dick」有男性兵器嘅意思，因此「Superdick」即係指男性嘅兵器天賦異稟。咁點先至算係「Superdick」？擁有長達9吋半巨棒嘅美國男士Jonah Adam Falcon，絕對係當中王者。至於「Super J」同「Superdick」嘅意思完全唔同，皆因佢解做男同性戀者之間嘅親密行為，大家千祈咪搞錯呀！題外話，每個男人都想持久力強，成為床上超人，有人選擇服用壯陽藥嚟增加持久力，而有科學家發現如果男人畀全球最毒嘅巨型蜘蛛——巴西流浪蜘蛛（Brazilian Wandering Spider）咬傷嘅話，會引致陰莖異常勃起達數小時，當然唔係叫你畀蜘蛛咬啦，而係科學家研究利用呢隻蜘蛛嘅毒液製成壯陽藥，畀有需要嘅男士多一個選擇。
如果要用英文嚟形容女性擁有一對巨型木瓜奶，應該點講呢？其中一個講法係「Superdroopers」，係美國青少年慣用嘅俚語，意思解做豪乳。另外，「Superdupers」嘅意思同「Superdroopers」一樣，分別在於後者係美國口語而已。不過大家要留意，咪見到大波妹就同對方講「Superdroopers」，事關佢並非一個褒義詞，反而帶有貶義，原來「Droop」有下垂嘅意思，換言之，即係取笑女方對波大得嚟卻失去彈性兼下垂，所以千祈唔好亂講，否則畀女方兜巴星。
一套四仔之所以能夠吸引到大家嘅目光，有人認為最重要係有一班青春索爆嘅脫星坐鎮，如果認同呢種講法嘅話，呢套由美國四仔片廠Hard X喺2014年推出嘅系列作《Super Cute Vol.1》，就絕對唔可以錯過。作為一間新興片廠，為咗省靚招牌，故此對呢個系列製作相當認真，不但由老細Mason親自執導，更搵嚟一眾年輕又火辣嘅脫星演出，包括Riley Reid、Lola Foxx、Ariana Marie、Jillian Brookes等，當中以Riley Reid嘅人氣最高，更被視為未來天后級人馬，而事實亦證明Mason嘅眼光冇錯，Riley Reid喺2016年獲得最佳脫星大獎。至於，呢部四仔亦獲得最佳青春少女作品獎，之後推出嘅《Super Cute Vol.2》，亦獲得提名角逐最佳清純少女作品。
擁有超能力嘅超級英雄，下下都要谷盡全力打壞人，之但係要打倒壞人唔一定要用強硬手段至得，好似日本人氣AV女優由愛可奈咁，以超級可愛嘅魅力征服男優。由愛可奈喺1993年2月12日於日本靜岡縣出生，2011年高中畢業後，以18歲之齡投身AV界，憑住可愛樣貌深得AV迷嘅歡心，更喺網絡投票中成為現役最可愛AV女優。由於佢外形超級可愛關係，故此由出道至今都以可愛純情嘅形象示人，人氣亦愈嚟愈高，喺2012年於成人廣播大獎中獲得新人女優獎。此外，佢曾經參與香港電影《豪情3D》嘅演出。喺2015年9月24日佢被邀加入AV女優組合「惠比壽★麝香葡萄」，將其超級可愛魅力繼續發放。
撰文：魂