今日係農曆七月十四鬼節，相傳鬼門關大開。不過，相信大家同小弟一樣冇做過虧心事，最多都係瞞住女友睇AV啫，乜鬼都唔怕啦！既然咁正氣咁大膽，一於介紹日本恐怖級AV嚟應吓節，提一提大家，部分情節口味偏重，小心慎入！
自古中外都有其迷信風俗，喺中國更加有好多人至今都相信有鬼嘅存在，小弟亦相信，因為本人正係一隻活生生嘅窮鬼！由於知道人們對鬼又好奇又害怕，電影界就拍咗好多鬼片，有以驚嚇為主，滿足又要驚又要睇嘅觀眾，亦有溫情以至浪漫嘅鬼片，最經典嘅就梗係至今仍為人所津津樂道嘅《人鬼情未了》啦！而日本AV界都有呢類橋段出賣，好似女幽靈系列《好色的女幽靈們純粹色情中出SEX！》咁，當中嘅女幽靈因為生前得唔到充分嘅性滿足，死後依然對性愛抱住執念而變成鹹濕鬼，雖然呢隻女鬼經常勾引男人吸乾陽氣，但佢都係善良女鬼，只係想得到男人嘅溫柔啫。
女幽靈系列久不久都會喺日本AV新作名單當中出現，幾乎已經成為一個恒常系列，而呢個系列當中女優着到一身白袍，又化埋個白雪雪女鬼妝，大家睇見可能覺得冇性趣，但係小弟可以話畀大家知，女幽靈系列都唔算驚嚇又唔算重口味，更驚嚇嘅仲有喪屍系列！近年荷里活喪屍片大行其道，一個以電子遊戲作為藍本嘅《生化危機》拍極都拍唔完，另外仲有《28日後》、《活死人空間》等，唔只班喪屍夠喪，連觀眾都睇到喪喪哋。由於喪屍風強勁，日本AV界就出現咗《SEX OF THE DEAD》系列喇！此系列已經拍咗三部曲，當中以大波妹舞咲美都演出嘅第一集引起最大回響，夠精心製作，投放大量資源喺場景同化妝方面，被AV業界稱其製作能夠媲美荷里活B級片。舞咲美都嘅喪屍Look確係嚇人，佢變咗喪屍都仲要喪擒男人，部分場面都幾血腥，鍾意睇另類AV嘅朋友不容錯過。
西片嘅喪屍風潮的確係勁，但喺日本人心目中，依然牢牢記得三十多年前，登陸日本並且刮起一股殭屍片熱潮，想當年，殭屍片喺香港大收旺場，而喺台灣同日本都咁受歡迎，而日本人仲覺得片中嘅法術相當神奇添！不過，大家亦估唔到，今時今日中國殭屍喺日本仲有市場，最近參加AV OPEN 2016企劃部門嘅作品名單當中，就有一部名為《護符天誅！幽幻導師列傳》嘅作品喇！當中班阿叔男優扮成捉鬼大師，對付一班清裝打扮嘅女殭屍，而對付嘅方法除咗用法術，仲要用埋自己支肉棒。聽落有少少睇頭，但係勸大家千祈唔好睇！連小弟咁鍾意熟女都頂唔順，因為佢哋個個都係七老八十，同佢哋扮演嘅殭屍一樣全部都面貌驚嚇，除非你覺得自己嘅性能力達超人級數，下降些少都唔怕啦！否則呢部恐怖程度達核爆級別嘅作品，真係一分鐘都不能夠睇！在此深深咁向一眾有份演出同拍攝嘅工作人員致最崇高嘅敬意，仲要慨嘆一句，男優唔易做！
撰文：賢