日本漫畫家真島浩嘅超人氣漫畫《FAIRY TAIL魔導少年》，唔單止憑住出色故事而深受漫畫迷愛戴，作品中嘅女角色更係身材火辣得嚟，着得又超級性感，好似嚟自呢套作品嘅性感女角色艾爾莎就係其中一位。新登場嘅1:6艾爾莎模型，貫徹一直以嚟嘅性感主義，以內衣造型示人，但胸圍明顯細咗一個碼，搞到包唔晒佢一對分量十足嘅巨乳，波邊盡露絕對養眼，加上絲襪誘惑，令佢嘅女人味大幅提升！可能有人會問點解艾爾莎頭上多咗對貓耳？皆因呢次模型嘅主題為「白貓Gravure Style」，所以佢不但多咗對貓耳，從後面睇嘅話仲會發現佢有條貓尾，女人味散發嘅同時，萌味更加滿瀉。唔知大家對化身成貓女嘅佢，好感度會唔會同樣得到提升呢？