Pocket幫袋內有蠱惑

呢期好多人都充滿動力,仲要頂住個太陽拎住手機周圍走,之唔係要捉精靈囉!為咗跟貼潮流,今日就同大家講Pokémon,sorry!係「Pocket幫」至啱,喺情色字典中,原來有唔少同Pocket及袋有關嘅情色俚語o架!

情色俚語:Pocket Twister 釣金龜

唔想努力但又想下半世過住幸福快樂少奶奶生活,最快捷嘅方法莫過於溝有錢佬或富二代,而呢個動作就叫做釣金龜。其實早喺資本主義出現,呢類女性已經存在,而喺上世紀20至30年代佢哋被稱為「Pocket Twister」,特徵就係樂於接受有錢又年長男士嘅禮物同金錢,並且享受奢華嘅生活。不過今時今日,呢個名稱已經Out晒,被「Sugar Baby」 同「Gold Digger」兩個新興名稱取代。例句:It's the dream of many lazy girls to be a sugar baby.(好多懶妹都夢寐以求去釣金龜。)

玩樂辭典:Pocket Polka 香艷玩意

話說有外國朋友同我講,喺雞尾酒派對中被個姣妹施以「Pocket Polka」,佢仲愈講愈雀躍,但係乜嘢叫做「Pocket Polka」呢?原來所謂Polka其實嚟自Polka Dot,意思係指布上嘅圓點花紋,而口袋內嘅圓點即係指男士兩粒荔枝,換言之「Pocket Polka」係指透過褲袋搓弄荔枝咁解。喺派對中玩荔枝又真係幾香艷喎!而英文俚語中嘅「Pocket Pool」同「Pocket Billiards」亦係同樣嘅意思,而且仲更加易明,因為喺褲襠之中有乜嘢同桌球好相似先?例句:She is playing pocket polka right now!(家陣條女手插我褲袋玩緊我嘅荔枝!)

美國四仔系列:《Strokemon XXX Pokemon Porn Parody》 惡搞精靈

呢部勁弔詭嘅四仔版《Strokemon XXX Pokemon Porn Parody》,保證大家睇完後會發噩夢!佢係由美國四仔網站「WoodRocket.com」喺2015年6月推出嘅惡搞四仔,由專門惡搞嘅四仔導演Lee Roy Myers執導,搵嚟脫星Rizzo扮演Dickachu,一睇個名就知佢係扮緊邊個啦,而佢嘅絕招唔係十萬伏特電擊,而係潮噴液體!至於佢個樣難頂到乜嘢程度?就連包容性極強嘅美國四仔迷,都忍唔住喺「WoodRocket.com」個官方Twitter上瘋狂洗版,無聊、低俗、下流、醜陋等貶義詞充斥整個版面,又難怪嘅,呢隻Dickachu的確醜到核爆!

日本AV系列:《革手袋》戴手套表演

呢個日本AV系列《革手袋》,大家咪以為佢同手袋有關,其實佢係解做皮製手套。以皮手套作為AV題材,早喺20世紀初就已經出現,及至2008年時由日本AV大廠Real Works發揚光大,先後搵嚟赤西涼、清原涼(立花靜)等女優演出,透過一對皮手套將男優嘅精力全部榨亁。呢個系列不但紅極一時,並且衍生出各類型嘅戀物及愉虐系列作品。至於點解無啦啦會出現《革手袋》系列呢?據講原因有3個,第一係令演出變得更多元化,提升視覺效果;第二係女優戴住手套為男優表演手作仔,令AV迷有更多幻想;第三則係皮製手套有種愉虐味道,藉此吸引好此道嘅AV迷捧場。

撰文:魂