Remy爆大鑊 神憎鬼厭

出名麻煩

脫星講嘢冇句真？睇吓咩情況啦，當佢博出位時，乜都夠膽爆呀！Remy LaCroix出晒名係脫星界嘅麻煩友，點解咁講？咁就要講番「舊史」喇！現年28歲嘅Remy喺2011年出道，憑住淫爆眼神同火辣靚偈，尤其係巨躉秒殺四仔迷，點知一年後宣布引退，剩低好多手尾，包括夜場騷、四仔片約要經理人解決，當時仲有傳阿妹染上世紀絕症，亦有人話佢見伴遊好搵，收每粒鐘5,000美元（約HK$39,000），好過拍四仔喎！流言未停過，但阿妹一於少理，消失於江湖！

直至2013年阿妹復出，正妹冇人嫌多，加上佢又繼續喪砌，仲有一班姊妹包括Riley Reid、Jada Stevens及Dani Daniels等力撐，Remy話咁快就收復失地，成為一線脫星。2014年被四仔廠Archangel睇中佢籮柚，簽佢為合約脫星，將佢打造成新一代「後門女王」，點知同年4月，準備開拍新戲時，阿妹單方面毀約，喺網上宣布以後唔會替Archangel拍片，理由係對方唔尊重佢，而呢套四仔係由「女神」Tori Black執導，無辜扯埋落水，搞到Tori姐都唔知點對傳媒解畫好！

喪插姊妹

雖然單方面解約，奇在Remy妹乜事都冇，繼續喺各大四仔廠發功，不過佢性格亦無因此而收斂，仲變得愈嚟愈臭檔添！喺2015年Remy妹無情情嬲咗好姊妹「檸檬女」Riley Reid，跟住兩人喺Twitter互寸，四仔迷不以為意，事件繼續發酵，到咗今年5月底，Remy終於嚟料，喺個人網誌寫下千字大爆脫星界黑幕，好多人都以為阿妹係飲醉酒，甚或係有不良嗜好而令情緒失控，所以先會亂噏廿四。點估得到上個月底，阿妹再喺網上撰文逐一爆好姊妹大鑊，先喪插Riley Reid成日扮晒嘢講文化、講品味，實情係一名經常醉酒嘅蕩婦；接住就話Jada Stevens係賤人，從頭都腳都係抄佢，擺明借佢上位！

對女神Dani Daniels，Riley鬧得最惡毒，話對方係雙面人，對住老闆乜都得，背後就話人係垃圾，可謂「最佳脫星」！至於早前有份叫Remy收聲嘅脫星，包括Dana DeArmond、Madelyn Monroe及Abella Danger等，Riley統統都唔放過，先話Dana姐又老又殘，今日仲要落場砌，叫佢快啲死開！而Madelyn Monroe只係一位無腦脫星，最叻係擘大雙腿，最後佢鬧Abella乜都唔識，最好出少句聲，否則爆埋佢大鑊咁話！事件發展至今仲未停，想知幾時高潮，記得(目及)實Remy嘅網誌喇！

展開新戰場

自從爆大鑊事件出街後，傳媒都深信Remy LaCroix想繼續喺四仔界搵食都難，因為片廠及脫星都唔會再同佢合作，但阿妹就喺社交網話冇諗過引退，反而會全面進軍網絡界做Webcam女神，仲好寸咁話係佢唔想同其他脫星合作至真！

網址：www.camsoda.com/RemyLaCroix

撰文：祖