明星愈紅身價愈高，同時亦愈來愈錫身，就以日本寫真偶像為例，好多已經上位嘅天后級女優，推出作品嘅時候宣傳會唔係唔搞，但係粉絲要同佢哋合照及參加水着攝影會則要付出更多金錢，不過呢種吊高嚟賣嘅做法暫時唔會喺橋本梨菜身上發生！年方廿二嘅梨菜生得甜美可人，身材豐滿誘人，胸前一對脹卜卜G奶集堅挺、高度彈性及美觀於一身，難怪佢能夠喺選美活動「汐留寫真偶像甲子園2014」贏得冠軍寶座。而身負冠軍名銜嘅梨菜將會喺7月30日為最新寫真映像作品《隣のりーりー》開握手會，更賣大包添！
當日喺信長書店日本橋分店舉行握手會，大家去到現場買一隻相關作品就可以同梨菜握手及索取簽名，而買兩隻就可以參加水着攝影會，唔使好似其他女優咁要買三隻至得。至於今次買三隻作品，就可以額外參加兩次水着攝影會，仲可以搵梨菜喺自攜私人物品上簽名添！
撰文：賢