唔少內地寫真模特兒都愛打住純情形象出道，而李雪婷外表清純，內裏卻有着叛逆不覊嘅性格，唔知呢種與別不同嘅味道，可唔可以令佢闖出一片天呢？
嚟自湖南長沙嘅22歲李雪婷，年紀輕輕，啱啱喺湖南大學金融學系畢業，但早喺佢就學期間，已經涉足模特兒工作，更懂得DJ技巧，喺派對及的士高表演。模特兒嘅工作可以話係難佢唔到，但係作為夜店DJ，唔知呢位斯文美女又能否駕馭得嚟呢？其實大家千祈唔好畀佢嘅外表呃倒，皆因佢嘅性格不但追求新鮮刺激，更熱愛挑戰，簡單嚟講外表純情嘅佢，內藏一顆躍動嘅心，大家只需要留意佢身上嘅紋身，便會發現到呢方面嘅特質。
事實上，冇邊位模特兒會夠膽喺身上當眼位置紋身，擔心會影響形象。不過對雪婷嚟講，所有規條不過係限制自己嘅束縛，佢認為最重要係展現自己獨特嘅魅力。憑住呢種態度，加上令人一見難忘嘅迷人外形，令佢喺DJ界打響名堂，同時喺寫真及模特兒界亦火速成名，工作接踵而來，先後喺多個平面媒體亮相，又作為商品模特兒展銷產品。
有別一般寫真模特兒，喺夜店演出經驗豐富嘅佢，不但識得人際技巧，而且無論喺鏡頭前或舞台上，總會散發出一股淡定嘅氣場，成功將動與靜兩種元素糅合於一身，難怪佢個人微博嘅粉絲愈嚟愈多，人數超過18萬，此外佢更獲網民封為「新時代的女神」同「漫畫裏走出來的美人」嘅稱號。
看似完美，但其實女神亦有甩轆嘅時候。話說佢喺今年3月要完成學校嘅線性代數功課，由於佢唔識，於是喺微博向粉絲求救，女神出到聲，梗係有唔少數學達人幫手。不過佢又唔係次次都搵人幫忙，為咗完成畢業論文，佢就花咗唔少心機同工夫喇。話說回來，佢都畢咗業，家陣會唔會全職投入模特兒工作呢？答案當然係會啦，佢依家努力健身，保持誘人身段，而佢將會去泰國進行旅拍寫真，相信好快就會有新作品睇喇！
簡介：與別不同嘅不覊氣質，令李雪婷嘅性感變得更有層次，同時亦增添一種誘人味道，當然最吸引係佢激凸嘅胸部。大家想了解阿妹多啲，就要Click入佢嘅微博喇！
網址：http://weibo.com/u/1961857111?is_hot=1
出生地：湖南長沙
身高：166cm
三圍：36、27、35
撰文：魂