演出AV唔係一件優差，女優們喺演出當中可以話付出血與汗，是以一旦搵到好路數就要快快上岸，好似蒼井空「空姐」咁，自從發掘到大中華地區作為發展市場之後，就即刻放棄其AV事業去內地掘金。當然，要學到空姐咁，就一定要有實力兼且有名氣啦！數一數現役女優當中，就以被稱為「暗黑志玲」嘅波多野結衣最有資格望其項背，然而結衣點解仲保持每個月至少有5、6部AV咁辛苦呢？有AV事務所經理人表示，其實結衣一早就唔會着眼於日本市場，拍AV只係搵基本開支，最重要嘅目的係透過保持AV產量，令海外市場知道自己仲存在仲活躍於AV界，好等自己繼續喺海外市場嘅工作接完一單又一單。經理人更表示家陣結衣喺海外市場嘅工作相當緊密，閒閒哋每個月有三分之一時間出國工作，睇嚟結衣真係好受國外歡迎喎！不過，話時話喇！經理人所指嘅「工作」係乜呢？