脫星界好得意，有啲囡囡唔講你唔知道佢已經引退咗，好似Brooke Banner就係最佳例子，查實阿姐佢已經6年冇落床拍四仔，但係大家唔使擔心，因為當事人已宣布以Brooke之名全面回歸，四仔迷又有好嘢睇啦！
美國佬零舍幽默，呢期新聞除咗係芝加哥性博覽，跟住就係Brooke Banner復出喇，但成人傳媒形容好抵死，大大隻標題寫住「闊別6年，再現銀幕」，唔知以為好期待，查實心水清嘅四仔迷都知道係寸緊佢根本一直冇離開過四仔界，點解咁講呢？話說於2002年出道嘅Brooke妹一直拍埋啲「個體戶」四仔，即係監製、導演同男優一腳踢嗰啲一人公司，一年後佢被大廠Vivid睇中，以新人身份演出《Debbie Does Dallas: The Revenge》，呢套戲總共有8位脫星上陣，當中以Brooke妹最嫩口又最索，擺明捧佢上位，而阿妹憑住惡形惡相癡女形象好快上位，打後佢紋身、穿環乜都齊，辣妹形象深入民心！
講外形，Brooke妹真係無得輸，金髮大波、高瘦長腿，所有令男人興奮嘅條件阿妹都有齊，而佢上到床對手男女不拘，性格又霸道，好多四仔迷包括細佬都勁冧佢，難怪喺短短5年內，佢拍咗超過400套四仔，比一線脫星更勁呀！
未知係咪搵夠唔願做，喺2009年開始，Brooke大幅減產，有傳聞話阿妹準備收山嫁人，當時外界亦傳佢同英籍男優Marcus London行得好埋，但當事人從來無承認，只係話想趁後生進修一下同學做生意，跟住走咗去讀心理學，其實搵夠上岸都冇人怪佢，無奈係阿妹話走根本就無走過，同Puba合作嘅個人網站一直都有營運，佢嘅IG、Twitter等社交網又經常有寫真放閃，仲有喺各大成人網站同成人博覽依然見到阿妹嘅蹤影，2010年佢宣布退出，但打後兩年仲有四仔派街，當然大家都明白係倉底貨，但綜合以上條件，Brooke根本無離開過四仔界。
正妹無人嫌多，但唔拍四仔堅稱自己係脫星先至死罪，所以巴打明白傳媒擺明寸爆阿妹，而Brooke或者都知衰，因此早前整咗個新網站希望吸納一眾四仔迷，呢個網唔使錢，只係阿妹介紹自己近期搞緊啲乜，但衰妹要威又要戴頭盔，竟然喺Blog內親口話：「今日先係我正式開始，我好興奮，但真心講我好迷茫又害怕，我控制唔到外界反應，但我會好好控制自己，做到最好！」其實真心話應該係32歲之齡以新人身份出嚟行，擔心冇人吼兼技不如人啫，無嘢嘅，阿妹嘅Case咪好似Monique Alexander或者Jesse Jane咁，名大於實囉！
Brooke Banner當日話學做生意，咁做咩生意呢？哦，原來係伴遊。據成人網站爆料，阿妹宣布離開幕前後，就做伴遊，每小時收費由1,500至2,100美元不等（約11,700至16,380港元），真係貴到癲，仲要只限美國加州，真係好搵過拍四仔啦！未完喎，有巴打仲話Brooke Banner有客串玩色情視頻，不過就唔用真名，有運先會撞到佢o架！
撰文：祖