家陣網絡資訊發達，自己做過嘅事好容易會被人翻舊帳，最近日本就有位知名聲優被發現疑似拍過AV喇。人靚聲甜嘅聲優新田惠海近期嘅配音作品，包括極受歡迎嘅動畫《LoveLive!》，仲因為歌藝出眾而曾經參加過日本樂壇一年一度嘅超級盛事「紅白歌唱大賽」，名堂可以話響噹噹呀！之不過，早前新田惠海就被人發現，疑似喺2008年推出嘅一部AV作品《素人圖鑑 File-07》當中以素人女優身份演出過，雖然佢本人同所屬嘅藝能事務所都矢口否認，之但係平日最愛抽絲剝繭嘅AV迷火速進行多項對比工作，發現兩者除咗面貌相似，牙齒亦有類同之處，令好多人都肯定新田惠海拍過AV。暫時大家都只係估估吓，消息仲未得到證實，但係已經搞到新田惠海嘅演藝事業受影響喇！