最近很多朋友都轉玩交友App，我也趕趕潮流在上面流連一下，發現一些現象，可以跟大家分享。首先，男性「搵食者」真的佔大多數，而且已婚者居多，大家用的方法各異，有人開門見山，實行願者上釣，「即係點呀？同對方講自己有老婆，悶呀，出嚟搵女呀？」同事問。「係o架，不過如果講自己因為悶的話，說服力比較低，梗係話同老婆感情唔好、搞緊離婚之類啦。」而另一種是所謂的「呃蝦條」，扮深情、扮單身甚麼都好，目的是把對方騙上床，得手了，自然一走了之。
至於女性呢？我眼見，搵食的其實不算多，但願意玩玩的還是有的，大約有一、兩成，其餘的多是找男朋友、找老公，她們都是那些「呃蝦條」的目標人物。還有一些女士，是純粹的呃水吹，手機聊天可以，但見面免問了。至於那些搵食的女士是甚麼心態？有些是已婚的，和老公感情已淡，聽朋友說上這種App可以找到慰藉，便上來碰碰運氣。至於甚麼類型的慰藉，人人要求不同，有先愛後性，也有先性後愛，「仲有啲剩女，即係好耐無拍過拖嘅，又明知啲男人無句真，咪玩吓囉。」我跟同事說。
撰文：黃韋龍