三色台剛播完一個教授大家生活小智慧嘅節目，係就係幾有用，之不過節目形式以及內容似曾相識囉，製作單位認真夠晒「環保」。喺另一邊廂嘅日本，一樣可以搵到好多充滿環保意念嘅生活小知識，最重要嘅就係由知名AV女優親自示範，嘩！不得了！即刻請班女優同大家去搞掂晒先！
唔係話外國嘅月亮特別圓，而係外國好多好多企業都比本地，以至我哋偉大嘅祖國嚟得更加專業，更加有企業責任，就以日本為例，當地鮮聞發生黑心食物、用品事件，反觀內地可謂比比皆是，黑心豉油、假雞蛋、三聚氰胺奶粉等等……真係令人聽到心寒，每次見到有人因黑心食物而健康受損，更係令人聞之流淚！提到日本企業良心，當地有好多企業都努力咁盡社會責任，就連大型AV集團SOD亦不例外！最近特別開設一個專門教授環保小智慧嘅網站www.doeco.jp，以響應當地嘅CSR（企業之社會責任）活動，而網站嘅宗旨就係希望每個人都可以吸收到環保智慧，從而改變生活習慣，進而為保護地球環境出一分力！咁有社會責任，認真抵讚！
其實SOD素來對公益事業相當熱心，例如3年前派出當時仲係新人嘅G奶人妻白石茉莉奈，去到多個加油站向職業司機派傳單同貼紙，宣傳安全駕駛嘅訊息喇。今次SOD更加大力為環保出力，點大力法呢？就係出動SOD旗下專屬陣容當中嘅所有AV女優拍教授環保小知識嘅片段喇！有邊幾個女優呢？有工業界小淫娃、現為SOD一姐嘅紗倉真菜、古川伊織、白石茉莉奈、南真菜果、逢坂春菜、市川雅美、涼海美沙、松岡千菜以及淺田結梨共9位，可見SOD真係傾全力支持。咁班女優又教咩小知識呀？紗倉真菜就最為食，教大家食得唔好嘥，煮菜前留起菜根，用玻璃器皿裝住再加水，然後放喺陽光下照射，咁就可以種出第二棵菜下次食喎。至於白石茉莉奈貴為一子之母嘅人妻，以為佢有咩好主意啦！點不知佢最慳水慳力，只係叫大家盡量用環保袋購物咋！
大奶妹松岡千菜話家陣天時暑熱，打開門口吹入嚟嘅都係熱風，將洗米水潑出門口，就可以令吹入室內嘅氣流降溫喎！青春嫩口嘅SOD上半年重點新人涼海美沙，喺拍片嘅時候都幾搏，件衫中門大開，露出又長又深嘅乳溝，而佢就提醒大家外出最緊要記得攜帶樽裝水，而個膠樽仲要記得盡量重用，咁就可以減少外出購買裝樽水從而製造廢棄膠樽嘅機會。講到表現落力又大膽，除咗涼海美沙，前AKB48成員逢坂春菜亦唔輸蝕，片段開頭佢就拎出蠟燭兼露出一副淫相，以為佢想玩滴蠟啦！原來春菜話浴室牆身牆角出現嘅黑色點點，其實可以用蠟燭燒吓就可以清除。另外，古川伊織示範喺熨衫嘅時候，喺件衫下面墊一張錫紙，咁樣就可以加快傳熱效率，更快熨直件衫，伊織就一邊熨一邊淫叫，相當搞笑。咁多段片，南真果菜嘅一段最養眼，阿妹以小背心上陣，F奶半露，仲即場除絲襪話可以將舊絲襪用嚟做抹布喎！咁阿妹你着過嘅絲襪記得儲起畀我咯喎！
撰文：賢