又一個脫星宣布回歸脫星界，佢叫Nina Dolci，報稱快將36歲，因為太「好性」先決定要返嚟，四仔迷唔識佢係正常，事關阿妹喺2001年出道至2003年拍過24套四仔就閃咗。消失十幾年，直至去年底蒲頭，上個月正式復出喺四仔廠Brazzers開戰！咪話細佬潑冷水，雖然Nina Dolci話自己仲好後生，而且副34D-24-34偈仲Fit過以前，但咁又點喎，根本都冇人識你，而且復出以來，網民對佢亦冇表示，睇怕阿妹好快會因為開工不足再一次消失幕前，不過佢都好醒目，喺復出嘅同時開咗社交網及個人網站，細佬仲發現佢twitter有超過五千位Followers，數字拍得住一眾新女（口架）！成人傳媒亦相當畀面，知道阿妹就快有新戲上，即刻拉佢做訪問，雖然只得一個傳媒咁關照佢，但對Nina嚟講應該感到好窩心，Fleshbot就單刀直入問Nina今次返嚟想得到啲乜？阿妹好有自知之名話冇砌咁多年，技術同反應都生疏咗，加上年紀唔細，一定唔夠新女爭，但亦因為咁會加倍努力肉搏喎！至於佢最想得到嘅錢只屬其次，最希望係日日有得執劑，日日執？咁咪仲好搵過一線脫星，咁錢又點其次呀！