藝能界嘅潛規則唔少人聽得多，只係呢類題材嘅電腦遊戲卻相當少見，故此當日本遊戲廠AkabeeSoft3宣布推出《弄髒雙手的天使》時，引起唔少遊戲迷嘅期待。呢隻以藝能界為背景，講述潛規則嘅作品，情慾場面既火辣又講到似層層，自然挑起唔少人嘅興趣，故事講述新進女偶像如月嶺衣奈，終於實現夢想，成為一位藝能偶像，卻估唔到出道之後，話就話係女偶像，但所做嘅嘢卻同打雜一樣。不過佢發現公司內嘅另一位美少女偶像，卻有着完全唔同嘅待遇，工作更係應接不暇。自問自己嘅條件一啲都唔比對方差嘅如月，走到事務所嘅製作人面前表達不滿，並且同對方談判。製作人聽完如月嘅申訴後，不以為然咁拋出一句：「畀個機會你，之後就睇你自己。」然後就趕咗如月出辦公室。莫名其妙嘅如月正喺度苦思頭先句說話之際，就畀人帶到一間高級酒店內嘅豪華餐廳，而喺度等緊佢嘅係一間知名企業嘅男高層。換上晚禮服嘅如月，當見到男高層飢渴嘅眼神時，就知道為咗能成為真正嘅偶像，一定要有所犧牲。