日本成人漫畫界有唔少實力派漫畫家，不但畫風精美，情慾場面更係緊湊，睇到人心跳加速。不過講到當中嘅能手，非彩畫堂莫屬，早喺90年代出道嘅佢，憑住過人嘅實力快速冒起，作品《葉奈的假日》讓大家體驗到佢獨有嘅情慾滋味。
早喺1996年開始，彩畫堂已經活躍於漫畫界，當時佢嘅畫風相當成熟，女角色以少女姿態示人，更係清一色擁有巨乳身材。佢以人氣電玩《拳王》為創作背景，改編成超乎想像嘅成漫作品，令佢人氣飆升，更開創出令人耳目一新嘅格鬥成人漫畫。跟住佢又以另一套動漫《新世紀福音戰士》為創作靈感，將當中嘅人物及劇情色慾化，香艷嘅床戲，加上具深度嘅劇情，被視為經典之作。
喺1997年佢獲得日本出版社雙葉社邀請，喺旗下成人漫畫月刊《Men's YOUNG》8月號上發表處女單元作品《CHECK看看吧！》，正式加入成漫界，至今仍以雙葉社旗下成人漫畫月刊作為發表作品嘅基地。雖然佢喺月刊上不斷有作品發表，但係仍然積極喺同人界發表作品，例如將一眾《拳王》女角色變成男兒身嘅作品《SYOTR-NIZE 女性IMAGE少年化計劃》。另外，彩畫堂為成人小說及成漫月刊繪畫插畫同封面，2004年更創作出超人氣OVA《Pico系列》。雖然佢喺成漫界有極高人氣，但由於太忙關係，直到2005年10月才推出首本單行本《葉奈的假日》。正如大家預期一樣，作品獲得極佳成績，跟住佢所推出嘅《日之丸君的變異！》、《派遣的夢小姐》、《野人的女神》、《LIVE CUM》、《人妻奧黛麗的秘密》等作品，同樣大獲好評。
講到影響力同埋喺成漫界嘅哄動性，始終係《葉奈的假日》最具代表性。呢本作品收錄咗《Men's YOUNG》上發表過嘅作品，當中所有故事都係以女主角若井葉奈為核心，然後引伸出唔同嘅古仔，書中章節分別有《我變成這樣的原因》、《葉奈的星期五》、《一個夢幻般的夜晚》、《治愈心靈的溫泉》、《逮捕小偷的故事》、《滿員電車之旅》、《Welcome to Maid Cafe》、《夏日的海邊很危險啊》、《型格的售貨員》同《葉奈是大家的》合共10個單元故事。每個故事都咁精彩，但係《我變成這樣的原因》同《一個夢幻般的夜晚》一定唔可以錯過。
《我變成這樣的原因》講述打扮老套嘅OL葉奈，最後變成有露出癖嘅癡女。緣於兩年前，仍然進修緊嘅葉奈最怕兇神惡煞嘅助理女教授秋野月子，佢不但嚴厲，更針對男同學夏海。某夜葉奈經過一間成人商店時，發現店內有張同月子激似嘅淫照，喺好奇心驅使下佢買咗張相，翌日帶返學校暗地同月子對照，卻意外被夏海發現，正當兩人拉扯期間，月子沒收照片，並叫兩人到教員室。入到教員室後，葉奈發現月子原來同夏海有另一種關係！經過月子嘅解釋後，葉奈對於情慾產生另一種睇法，並喺夏海嘅調教下變成有露出癖嘅癡女。
至於《一個夢幻般的夜晚》則係一個療愈故事，話說有日葉奈喺公司樓下遇到失意嘅男營業員，透過同事口中得悉對方經常向葉奈所屬嘅公司推銷商品，但總因價錢問題而失敗，令佢相當沮喪。見到對方失意嘅表情，勾起葉奈嘅同情心，決定為對方打氣。有晚男營業員飲完酒回家途中，喺便利店遇到買安全套嘅葉奈，欲上前打招呼，點知人有三急，於是走入公廁解決，卻估唔到葉奈突然喺佢身後出現，仲拉咗佢入廁格曳曳。當酒醒之後，男營業員發現原來只係發咗場春夢，但令佢精神爽利，仲做成單生意添！
作者：彩畫堂
出版：雙葉社
頁數：225頁
撰文：魂