號稱全球首創第一個「色情真人騷」節目《The Sex Factor》已經播咗頭4集喇，8男8女參賽脫星淘汰咗3男3女，最後邊個可以捧走100萬美元要遲吓先知！坦白講，錢當然重要，但唔計男優，參賽衰妹根本唔放上心，事關佢哋參加比賽擺明係賺人氣，自真人騷出街，囡囡片約不斷，連下季仲有幾多女會瞓身玩都冇人知，你話呢個仲唔係幫囡囡嘅宣傳節目？
《The Sex Factor》播咗4集，如果巴打有追開一定好清楚邊個被Foul，冇睇嘅可以上網睇番精華片段，男參賽者就無謂多講，喺8位參賽囡囡中，本來被視為大熱之一嘅Veronica Vain勢估唔到喺第2集提早出局，真係跌到一地眼鏡碎，不過網友話阿妹演技假到冇朋友，根本就唔想玩落去，唔出奇喎，四仔迷還記得呢位兩年前華爾街實習生轉投脫星界震驚全球，阿妹亦被捧到上天，決定參加真人騷節目前，阿妹已出現喺各大片廠，粗略統計每個月有6套四仔派街，部分仲要擔正做封面，當然無人知佢袋幾多，但若然繼續跟拍真人騷，肯定賺少好多，難怪阿妹當集完成唔到「任務」，以佢嘅經驗真係講都冇人信啦！出局已成定局，Veronica一啲都冇傷心過，反而喺社交網日夜「放閃」拖住男友飲飲食食，仲提早放暑假去旅行添！
「全職脫星」點只Veronica Vain一個，細佬Check過，8位女參賽者中，基本上過半數有四仔演出經驗，就好似喺頭兩集有驚人表演嘅Allie Eve Knox，點都估唔到阿妹係美術學院畢業，之後仲讀多個考古學位，講都冇人信，而阿妹喺2014年，自言因為雙性戀關係，現實中無法獲得高潮而入行，更估唔到佢已有個人色情網站，喺多間四仔廠參與演出；另一位22歲英國妹Khaya Peake仲激，阿妹接受《Adult Dvd Talk》專訪時自爆已婚，一直奉行開放性關係，老公係初戀情人，但Khaya同超過兩百位男士發生過性行為，老公唔介意之餘仲玩埋一份，夠癲未？未夠，更爆係為咗滿足無限性慾，Khaya被Tori Black邀請參賽，由倫敦搬到洛杉磯方便開工喎！雖然阿妹未正式演過四仔，但佢本人玩色情視頻可以24小時唔瞓都得！不得不提Blair Williams，即係早排出席「籮霸」Alexis Texas生日船P嘅脫星之一，阿妹係不折不扣脫星，係Evil Angel及DP等大廠常客，參賽係提升知名度，依家咪紅到人人都識囉！
撰文：祖