雖然錢搵得嚟，始終會使番出去，但一定要使得精明，尤其係對玩家嚟講，更加唔可以亂花錢，否則花完錢後先發現原來自己乜都冇享受過，嗰種感覺真係水過水魚呀！
有資深玩家指，東莞嘅色情服務業對整個內地嘅夜遊業，真係有好大嘅影響，當中嘅分級制就已經改變咗成個行業嘅生態。分級制係將唔同年齡、樣貌同身材嘅囡囡分成唔同等級，而每個等級嘅價錢亦有唔同。另外，廂房亦有分級制，等唔同消費水平嘅玩家，可以搵到合適嘅房間玩樂。時至今日，雖然東莞已經沉寂唔少，但佢嘅影響之深，遠至河南鄭州嘅夜總會，仍以呢種方式嚟營運。好似當地一間K場將囡囡分成佳麗、紗裝、模特同超模4個等級，而每個級別嘅囡囡所着嘅服裝亦有唔同，以方便大家分辨，單炮價從400至800元人民幣不等。另外，廂房嘅價錢由600至1,500元人民幣不等，當然最貴嘅房間，設備亦相對豪華。呢種分級制嘅好處在於玩家易計算使費，難怪大受歡迎，但係換嚟被有關當局注意。早前呢間K場被警方動用約300名警員突擊檢查，而被逮捕嘅店內人士要用成6、7架大巴先至載得晒。
如果有睇開內地新聞嘅話，都知道有唔少騙徒會透過提供色情服務，誘騙玩家自動獻上金錢，而呢個情況其實喺台灣亦時有發生，佢哋嘅做法基本上同內地嘅騙徒冇乜大分別，先透過通訊App搵玩家，吸引對方上釣並騙得金錢後，就消失得無影無蹤。玩家被騙後梗係嬲到爆，將矛頭直指應召服務嘅色情業者，搞到佢哋相當委屈。有應召業者表示，以往佢打電話或發訊息畀客人時，總會有唔少回覆，但係今時今日不但受到冷待，有啲人甚至反過嚟警告佢，如果再發詐騙訊息過嚟嘅話，就會即刻報警。呢位業界中人忍唔住慨嘆：「我哋要避警察，又要防同業眼紅檢舉，仲要防埋詐騙，真係煩呀！」無辜被詐騙集團拖埋落水嘅應召業界，為咗制止詐騙集團冒認，喺應召網站增設「防詐專區」，提醒玩家遇到有人叫去超市買網絡點數時，便要留意呢啲都係詐騙集團假冒應召站嘅行騙招數。
日本經濟唔好，故此主打平價嘅熟女風俗店成為風俗業嘅主流，而其他類型嘅風俗店亦以減價作招徠。不過，又唔係每間風俗店都會割價求存喎！呢間位於埼玉縣大宮嘅泡泡浴風俗店「LOVE PEACE」，就堅持走貴價路線。究竟佢嘅收費有幾貴呢？呢間以制服泡姬提供洗浴服務嘅風俗店，主打各種制服誘惑，非黃金時段每45分鐘服務收費高達16,200日圓（約1,166港元），呢個價錢未包各種雜費同口手服務，如果係黃金時段嘅話，收費更會貴多3成，想食埋全套服務埋單起碼超過2,000港元。佢之所以夠膽收得咁貴，梗係有佢嘅原因。呢間風俗店對風俗孃嘅要求相當高，年齡必須屆乎20至25歲，服務內容唔可以偷工減料，為咗保證服務質素，負責人經常同風俗孃開會。相對其他風俗店將貨就價嘅情況，佢哋呢種服務態度，又的確有堅持貴價路線嘅道理。
撰文：魂