雖然話日圓匯價接連上升，不過升極都仲係七算多少少，遠比先幾年嘅九算十算為低，遂令好多港人不減遊日意向。咁去到日本做乜好？飲飲食食之外，當然係買手信啦！除此之外，情侶們亦不妨去見識一下當地嘅情人旅館，今日就由AV界小淫娃親身帶大家去見識見識啦！
香港生活環境相當擠迫，好多家庭一家四口都只係逼喺一個一二百平方呎嘅地方生活，周邊衞生環境仲甚為惡劣添！環境咁逼，唔好講話日常生活，好多男男女女想做愛做的事都好唔方便，咁情到濃時唔通打野戰咩？雖然好多男女都喜歡咁樣做，之但係莫講話夏天多蚊蟲喇！喺戶外激戰乃屬違法，無謂貪一時之快被拉上差館咁面懵啦！是以，好多人都會選擇去時鐘酒店爆房。然而，企理嘅時鐘酒店成日都客滿，小弟就不時遇到呢種情況喇！有幸成功爆房亦搞唔出咩嘢新意嚟，因為房間只得簡單配套設備，遠遠不及港人最熱愛旅遊嘅國家日本咁多元化，甚至可以話滿足晒大家嘅幻想！最近日本AV資訊網站R18.com又再展開一個另類又過癮嘅女優企劃活動，請來AV界青春病態小淫娃辻本杏帶大家游走日本不同嘅情人旅館爆房，一齊了解入面有咩玩，順便評埋分添！
爆房當日，辻本杏聯同採訪隊前往位於東京都墨田區錦糸町HOTEL SARA，去到之後，杏妹已經了解好旅店嘅主題房共有10間，主要包括社長室、診療室及課室等，連忍者房及滿足男士電車癡漢幻想嘅日本電車房都有！而杏妹同採訪隊入去嘅時候，再三叫佢哋千祈唔好嘈，一來係禮貌，二來怕影響其他用家，睇嚟杏妹對爆房都幾熟喎。首先，杏妹就帶大家去到社長室主題房，入到去杏妹即刻見到個大浴缸，話可以畀大家玩鴛鴦戲水，如果想搞新意思，亦可以拎出一張銀灰色嘅長長軟墊，學AV界嘅陪浴孃咁玩波地。講到呢一度，杏妹就話諗起都覺得全身熱辣辣，即去換套比堅尼扮陪浴孃，不過由於採訪隊怕頂唔順杏妹嘅高超性技，於是婉拒咗杏妹表演陪浴技巧嘅要求。
之後，杏妹帶大家去到診療室，仲連隨變身女護士。呢個診療室裝修得似模似樣，仲有齊男女護士服畀玩家嚟個角色扮演，認真貼身周到。採訪隊員為令杏妹有表演機會，於是扮成病人瞓上床畀杏妹診治。杏妹先用聽診器聽一聽，然後再用玉手摸一下對方個肚仔，玉手後來愈摸愈落，摸到隊員嘅胯下都仲唔停手！搞到隊員不知幾尷尬！扮完護士，辻本杏又帶大家去到課室主題房，間房仲特別命名為「3年B組」，似乎係要向經典學園日劇《3年B組金八先生》致敬喎！變身學生妹嘅杏妹表示喺呢個課室場景，令佢懷念以前讀書嘅日子，仲即場扮點名，又扮地震演習匿落文件櫃。玩咗咁耐，杏妹對於呢間情侶旅館嘅評分有幾高呢？杏妹表示相當滿意，畀夠100分，大家下次拍住拖去開日本墨田區的話，不妨聽杏妹話去幫襯一下喇！
撰文：賢