唔止脫星要留意，四仔迷都要注意，事關Chessie Kay嘅twitter報稱被黑客入侵，散播阿妹不利消息，最慘係話佢感染咗世紀絕症。早前Chessie Kay同經理人發新聞稿澄清從未感染任何性病，對於有黑客入侵，當事人感到好無奈，更表明短時間內唔會再更新twitter，直至一切回復正常為止。阿妹話冇得罪過任何人，所以唔明白點解會被黑客入侵，更鬧爆對方中傷佢係卑鄙小人所為！睇怕呢單嘢都有排煩，事關黑客除咗入侵佢嘅官方帳號，另外仲幫佢開多最少兩個帳號，包括「twitter.com/Chessie_Kay」及「twitter.com/ChessieKay」，內容都係話Chessie自稱驗出係HIV帶菌者，更證實已令109人感染性病，呼籲過去六星期曾同佢接觸嘅男女去驗身及留低聯絡方法，有消息話好多同行都信以為真而上當，希望呢班脫星唔會留下個人資料惹來麻煩啦！