講到成人漫畫嘅王道題材，相信冇人唔認同戀愛故事有着壓倒性嘅捧場客，只係能夠做到有動人愛情故事嘅同時，卻又唔會影響情慾戲發揮，呢種平衡性卻唔係好多成人漫畫家做得到。日本成漫家篠塚釀二正係善於處理呢種平衡性，加上魔鬼級巨乳少女角色，炮製出單行本《初戀Motion》。
喺成漫界出道5年嘅篠塚釀二，畫功紮實，線條穩定，令佢喺芸芸成漫家之中脫穎而出。出生於神奈川縣嘅佢，自細喜歡繪畫漫畫及插畫，佢就讀中央大學時，更參與大學漫畫部嘅活動，而喺呢個時候佢開始活躍於漫畫同人圈，憑住出色嘅畫功，加上擅於繪畫性感巨乳美少女，獲漫畫雜誌邀請發表作品。與此同時，佢開始涉足成人漫畫界，及至2011年時喺成人漫畫月刊連載作品，從此展開成人漫畫家之路。佢筆下嘅巨乳美少女相當迷人，就連創作人氣漫畫《魔劍姬！》嘅漫畫家武田弘光亦對佢激讚不已，當佢得知篠塚釀二推出單行本《初戀Motion》，更主動幫手繪畫插圖。至於坊間對篠塚釀二嘅評價亦相當高，稱佢嘅作品係極高質之作。
喺2013年推出嘅第二部單行本《First Touch》，同樣獲得佳績，不過有人嫌佢產量太少，篠塚釀二解釋話要超越前作嘅成績，一定要使出超過十幾倍嘅努力至得。除咗喺成漫界活躍外，佢亦不忘插畫工作，先後為多本輕小說及成人小說繪畫插畫，包括有《銃忍》、《放課後性慾 齊來H研究》、《鐵乙女的場合》等。
至於備受好評嘅《初戀Motion》，收錄咗曾經喺成人漫畫月刊《COMIC失樂天》同《COMIC華漫》中發表過嘅作品，當中包括《狙擊女講師》、《Sorry Girl》、《泡♀泡♀上錯人》、《CANDY LOCK》前後篇、《CANDY LOCK the after》、《High & Low》、《誘惑足技》、《誤爆日記》、《FAKE BITCH!!》、《重要的東西是甚麼呢？》、《表妹的果實》、《新鮮即榨》及《我的性物學》合共14篇單元故事。當中最值得留意嘅，絕對係《泡♀泡♀上錯人》同《High & Low》呢兩個單元故事。
《泡♀泡♀上錯人》中嘅清美同美雪，係自細玩到大嘅好朋友，讀埋同一間大學，畢業後兩人夾份租屋住。美雪原來有同男人相處嘅心理障礙，故此一直都識唔到男朋友。清美卻啱啱相反，對男人瞭如指掌，仲有個男朋友圭介。有日美雪返到屋企時，聽到清美房間傳出激烈嘅叫床聲，正當美雪想責怪清美之際，清美表示係刻意安排，目的係想激發美雪嘅慾望。美雪表面上好嬲，實際上佢早已被挑起情慾，更喺浴室自娛起嚟，點知清美同圭介突然衝入浴室，嚇得美雪不知所措，更估唔到嘅係，圭介喺呢個重要時刻暈低咗，究竟一場三人大混戰最終能否成事呢？
至於《High & Low》講述生得細粒嘅少女朋藏鼓起勇氣向身形高大嘅健太表白，從此兩人開始交往。起初佢哋相處得相當融洽，可惜冇耐就遇到一個大難題，就係當佢哋曳曳時，因為兩人身高相差太遠嘅緣故，令兵器難以進入蜜洞，搞到氣氛相當尷尬！於是兩人決定去情侶酒店試一次，朋藏嘗試企喺床上同健太交鋒，可惜仍然唔順利，正當朋藏諗住放棄之際，健太卻努力不懈，誓不罷休，幾經波折，終於成功闖關，只係跟住落嚟嘅交戰，係咪仍然會咁順利呢？
作者：篠塚釀二
出版：Wani Magazine
頁數：213頁
撰文：魂
相片來源：互聯網