誘惑G味 索到飛起

全裸演出

一杯醞釀經年嘅醇酒唔需要添加任何配料，咁至可以充分讓味蕾感受到風味同酒質。而一位質素超班嘅寫真女郎拍攝寫真時，唔需要玩咁多花臣，可以讓觀者欣賞到其原始吸引力，日本寫真天后杉原杏璃喺最新嘅寫真集就以此為賣點喇。

杉原杏璃雖然已經34歲，但依然美艷動人，綺麗嘅面孔上保留一份少女氣息，同時Keep住22吋纖腰以及飽滿嘅G Cup美巨乳刺激大家嘅視覺神經，實在難得之至。《ANRI》係杏璃出道以來第10本寫真集，為紀念呢本珍貴作品，阿妹以素顏亮相，亦嚟個全裸演出，不過就唔會露點，然而即使遮遮掩掩，雪白又豐滿嘅胴體依係充滿誘惑，加埋杏璃本身騷入骨嘅魅力，令呢本寫真集足以成為大家嘅珍藏。

書名：《ANRI》

售價：約HK$219

只洩慾不談情

喺呢個速食年代乜都講求快，連睇色情讀物都要快快快，尤其係內容節奏，假如作者仲花時間去鋪排男女主角性格喜好或前世今生，真係搵鬼睇呀！今日介紹呢本書巴打要有心理準備節奏快過你打J，因為男女主角一見面就砌砌砌，玩完就算啱Feel都冇下次，當遇到第二個又約炮。書名《Yes, Please》正係講男主角Carlisle一方面被視為男神，同時間又係世紀賤男，終日女伴無數，即使遇到真心鍾意嘅女人都採取食完即棄態度，更堅持床上兩大原則，不接吻，不發問，目的就係要好好保護自己。點解男主角要咁賤？原來又係嗰啲老套嘢，當年佢被初戀女友狠狠地傷害過，為咗唔再成為受害者，以後只洩慾不談情，當發覺女方會因為佢嘅絕情而流淚時，反而有種莫名快感，於是佢要向全世界挑戰，直至搵到同佢一模一樣冷酷無情嘅女伴先肯收手！

書名：《Yes, Please》

售價：約HK$78

探索G點

G點我哋聽得多，只係講到佢係咪真有存在同埋有咩作用，卻一直未有答案。呢本由認知心理學專家Alice Kahn Ladas、被《新科學學人》雜誌選為影響世界最大嘅50位科學家之一嘅Beverly Whipple，及性學委員會認識專家John D. Perry，聯合著作嘅《G點：重新探索女性性高潮》相信可以提供答案畀大家參考。呢本稱為以臨床實證證實G點位置嘅書籍，提供唔少嘅資訊及個案，幫大家從新嘅角度認識呢個經常被人誤解嘅女性情慾地帶。據作者指，自1950年德國醫生Ernst Gräfenberg公布一個新發現，就係喺女性陰道前壁有一個性敏感帶，可以喚起女性嘅情慾。不過呢個發現一直未引起重視，直到後嚟有性學家對呢個問題發起研究，逐漸令大家認識呢個神秘部位。作者透過問卷調查，綜合性觀念、經驗同習慣等嘅問題，搜集到共198名女性受訪者嘅資料，並從中研究佢哋對於G點嘅位置、體驗同感覺等嘅認知度，並且讓佢哋詳細地描述喺性愛中，G點所產生嘅感覺。另外，會講吓究竟女性潮吹係咪真係有呢回事？女人係咪一定要潮吹，先至稱得上獲得高潮。有興趣深入研究女性高潮，呢本書值得一看。

書名：《G點：重新探索女性性高潮》

作者：Alice Kahn Ladas、Beverly Whipple、John D. Perry

譯者：許傑明

售價：約HK$75

撰文：賢