情慾救經濟 大家一齊睇

救世主剝光豬

歷來有唔少寫真女郎轉型做AV女優，好似佳山三花、春菜花、神雪等，原因係佢哋喺寫真界人氣下滑，早前高橋聖子亦轉型拍AV。阿妹原名叫高崎聖子，擁有一副青春可人嘅正統派美貌，仲擁有一副白滑婀娜嘅G Cup身材，喺2013年出道嘅時候因為質素極高而被稱為「寫真界之救世主」。然而，聖子唔多生性，被爆出曾經做過援交妹，搞到被事務所踢走，喺寫真界無立足之地，經濟陷入困境。所謂生命滿希望，聖子唔拍寫真咪轉行拍AV囉！喺聖子嘅寫真偶像之名加持之下，作品銷量驚人，近期仲食住上，推出個人寫真集《たかしょー》，當中聖子會展露G奶，嚟個完全赤裸嘅瞓身演出，如果大家睇完聖子嘅AV作品覺得唔夠喉，咁就一定要買呢本寫真集，充分咁用雙眼細味聖子嘅巨乳以及粉紅色嘅乳點喇！

書名：《たかしょー》

售價：約HK$252

情慾對答你要識

近年網上好多情慾對話截圖流出，名人名師乜都齊，網友食花生既興奮又葡萄！其實情慾對話絕對唔係「情侶專利」，只要你敢，再加上掌握到技巧，你都可以成為「Dirty Talk達人」！方法好簡單，先參考呢本《Dirty Talk: How to Talk Dirty to Get You Both in the Mood for Sex》，由一位心理學家George Klein撰寫，佢有多年臨床研究男女性心理經驗，而呢本書更係精華所在，由淺入深教授Dirty Talk即下流話技巧，點樣逐啲逐啲暗示畀對方知你講鹹嘢而不失霸氣，又點樣隔住空氣令對方入局，仲要分為男女版本，有伴侶嘅可以當調情補品咁睇，想溝女嘅不妨照跟，根據書中所講Dirty Talk一啲都唔難，只要勾起到對方嘅性慾就可以暢所欲言，最需要留意嘅應該係有乜嘢唔可以講，例如粗口、侮辱性嘅說話等，唔明？放心，本書有埋例子過你參考。

書名：《Dirty Talk: How to Talk Dirty to Get You Both in the Mood for Sex》

售價：約HK$84

經濟學看性愛

性愛一直以嚟都被撥歸喺心理學嘅範疇，只係大家有冇諗過，原來性愛可以從經濟學嘅角度窺探呢？過去10年致力於傳授經濟學及原創性經濟研究嘅加拿大經濟學博士Marina Adshade，便從呢個令人耳目一新嘅角度探討性愛同經濟學嘅關係，並著有呢本極具啟發性嘅作品《性‧愛經濟學》。早喺2008年佢開設咗一門名為「性愛經濟學」嘅大學課程，邀請學生使用經濟學探討性及愛嘅議題，而佢喺知識論壇Big Think開設嘅專欄更係人氣極高。書中透過9個章節，分別從愛身邊的人、情慾網絡、你令我完整、婚姻好制度等，發掘經濟學點樣糅合喺性愛之中，為探討性愛領域開展咗一條與眾不同嘅道路。可能大家仍然唔係好明，究竟性愛點樣同經濟學扯上關係，就以其中一章《婚姻好制度》作為例子，指出喺工業化嘅國家中，發現冇一個國家行緊一夫多妻制，同時又發現富裕國家樂於讓同性婚姻合法，當中點解會咁嘅呢？如果大家想知，就要買本書睇喇！

書名：《性‧愛經濟學》

作者：Marina Adshade

售價：約HK$78

撰文：賢、祖、魂