日本AV業發展蓬勃，AV廠琳琅滿目，可謂多不勝數。不過，講到規模較大，制度最優化嘅就一定要數SOD喇！SOD炮製嘅AV相信大家睇唔少，但係SOD嘅企業內部大家又見識過未呢？今日就同大家殺入SOD嘅基地，睇吓入面有咩玩啦！
唔係賣花讚花香，做記者實在係一個偉大又光榮嘅職業，大家可以見到好多記者為咗向大家報道事件嘅真相而深入險地，年中都不知有幾多勇敢嘅記者，由於到戰地採訪而英勇殉職，在此真係要向佢哋送上最崇高嘅敬意！表揚佢哋為業界及世人帶來嘅偉大貢獻！早前喺日本就出咗一位勇敢嘅女記者，其化名叫做茉莉花，點勇敢法？茉莉花居然夠膽一個人闖入日本AV界知名企業SOD嘅大樓做採訪，仲話想入去投考做AV女優囉！茉莉花隻身去到位於東京都中野區嘅SOD大樓，入到去就見到大堂有幾個貨架，上面擺滿晒SOD嘅周邊產品，例如係印有女優肖像嘅飲用水、紙巾及海報等，不過點解唔直接放SOD出品嘅AV碟呢？話晒專櫃喺公眾大堂，又點可以咁放肆放AV碟喺當眼嘅位置影響其他人呢？
茉莉花正式踏入SOD大樓後，發覺SOD公司由一樓至七樓共佔六層，可見公司規模相當之大。佢先經過SOD辦公室，見到工作情況同一般寫字樓冇乜分別，但係就見到一位職員係咁睇鹹相，呢位男職員原來負責製作SOD相關刊物，梗係要揀張靚相嚟刊登啦。茉莉花同佢閒談之間，知道佢日日睇咁多波，對於胸部已經有少少麻木，都幾替佢可憐。茉莉花隨即去到會議室，不過冇乜嘢好睇就梗係不作久留。轉戰到衣帽間，茉莉花就見到好多Cosplay服，仲遇到SOD嘅駐場攝影師添！攝影師以為佢真係應徵做AV女優，仲叫茉莉花剝光豬影張玉照，幸好茉莉花道明來意先幸保不失。寫真影完，SOD就出動到董事高岡哲也同茉莉花做個女優面試，而面試前就有一系列資料需要填寫，大致上包括身高、體重、興趣及性經驗等等。
喺面談當中，茉莉花從高岡先生口中得知，家陣要做AV女優最好有一門興趣，咁至容易喺宣傳上搵到賣點，另外高岡先生仲表示女優如果有寫博客嘅習慣就最好不過，原因係希望旗下女優有個人宣傳能力，博客正係一個可以發揮此環節嘅重要渠道，如果博客粉絲多的話，就能夠幫助公司慳番唔少宣傳費用喇。茉莉花喺面談嘅時候仲透露出性經驗人數超過二十人，最少都要每周上床三次至夠喉，高岡先生就話呢種情況好普通，仲話茉莉花好似冇乜賣點然後就結束面談。雖然唔知自己面試成唔成功，但係茉莉花就好興奮，因為終於畀佢搵到SOD嘅AV作品專櫃，仲搵到好多由SOD出品嘅特「色」周邊產品，更加為大家推介咗幾款手信！首選就係一系列四款聲稱有不同女人體味嘅浴鹽，其次就係可以用嚟量度照片中女仔胸部Cup數嘅檔案夾，最後就係一套多款以性愛體位為主題嘅萬字夾及用嚟畀男士鍛煉加藤鷹之手嘅鋼環手套，下次去開日本一定要去掃貨喇！
撰文：賢