日本寫真界天后級女優都係非凡之輩，除咗美貌誘人，氣質迷人，仲雙峰激凸，胸前一對導彈，形、質、色俱屬上乘！今日為大家介紹嘅兩位天后就係最佳例子，欣賞佢哋嘅寫真演出，小心畀佢哋對導彈炸親呀！
好多人都以為女星靠豐滿身材搵食，其智慧一定唔多高，否則點解唔靠才華搵銀呢？其實咁諗就真係錯晒！知道自己身材吸引，以身材搵食乃為明智之舉，亦可以更快吸引觀眾注意，何樂而不為呢？賣完性感，有番咁上下人氣，之後咪賣才華囉，當然亦可以學今野杏南咁，身材與才華一樣出賣！今野杏南為小弟近年最鍾意嘅寫真偶像之一，佢天生一副迷人美貌，氣質綺麗得嚟帶點楚楚可憐，尤其係佢兩片厚厚嘅朱唇每次微張都惹人憐愛，同時又惹人遐想。杏南身材豐滿而婀娜，胸前嘅純天然G Cup導彈又白又嫩，真係引死人！
近期杏南仲涉足寫作，開始展開作家生涯，撰寫連載式官能小說，發揮寫作才能。好彩嘅係，杏南一邊寫作亦一邊拍寫真，《被杏南挑選》就係其最新寫真DVD喇！喺呢部新作當中，杏南應露盡露，將其G奶透過各種色彩艷麗嘅性感打扮以及彎身、側臥等動作全方位露畀大家睇，加埋曖昧無比嘅表情，真係睇到人噴晒火呀！
碟名：《被杏南挑選》
收錄時間：117分鐘
售價：約HK$290
早前本地天王開演唱會吸引到大量觀眾注目，雖然天王已經幾年冇大型演出，但係今次開演唱會卻表現得狀態十足，天王級嘅實力就係喺呢度囉！至於天后亦係一樣，我所指嘅係日本寫真界天后原幹惠。原幹惠憑住一副予人親切感嘅正統派美貌以及G奶好身材，出道之後喺寫真界發展得如日方中，人氣無出其右！而原幹惠就挾住呢股強勁人氣殺入電視圈，為劇集《孃王Virigin》擔任女主角之後，成功入屋，陸續拍咗唔少電視劇，同時亦有參與電影演出。
原幹惠喺影視界兩邊忙，終於推出寫真DVD《戀之時間、君之渚》喇。喺呢部新作當中，原幹惠繼續以健康而性感嘅風格演出，雖然原幹惠喺寫真界休息咗5個月，但係天后就係有無懼世事變改，一演出就顯出身價嘅實力，舉手投足都展現出攝人魅力，更重要係作品標榜母愛本能，每場演出都令人感受到窩心暖意，好想投入其懷抱當中。
碟名：《戀之時間、君之渚》
收錄時間：90分鐘
售價：約HK$290
撰文：賢