豐乳同露吸睛有兩度

想喺日本寫真界搵個大波妹真係易如反掌,之不過,好多寫真女郎個胸好大,但係演出時候成條死魚咁,只係靠鏡頭搖來搖去嚟帶出誘人意境,咁樣點夠吸睛呀!今日介紹畀大家嘅兩位寫真偶像就唔同喇,佢哋都係上圍激凸,演出時仲有兩度撒手鐧,保證大家睇到火辣辣!

紺野栞 胸肉四溢

好多醫學研究指出,都市人患上嘅唔係病症,而係因為營養過盛所致,故建議大家為咗健康着想,最好就係少食多餐,每餐亦千祈唔好食得過飽。但係,睇寫真作品睇到幾飽就完全冇問題,不過點樣先會令大家睇到雙眼覺得飽呢?好多靚女一齊演出?唔使!只要一個靚女就夠,大家睇吓肉感美女紺野栞嘅演出就知道點解我會咁講喇。

紺野栞雖然只係22歲,但係面上泛起濃濃嘅女人味,姊系氣質予人窩心又親切嘅感覺。紺野栞呢位大姐姐甜美又惹人好感,身材更係火辣誘人!擁有一對36G極品巨乳,難得嘅係呢對G奶全屬天然,所以每當阿妹做出不同動作,G奶都隨之而有形態變化。喺新作《しおりずむ》當中,紺野栞除咗落力乳搖,仲會穿上極暴露嘅衣着,令巨乳幾乎跌晒出嚟!雖然冇露點,但係吸睛效果一樣係無以上之。

碟名:《しおりずむ》

收錄時間:90分鐘

售價:約HK$290

平塚奈菜 火辣升級

由於20歲先係日本嘅法定成年歲數,而唔少日本寫真女郎年紀輕輕,只係得十零歲,「未夠秤」當然喺演出上有保留,直到20歲嘅時候至嚟大爆發。不過,30歲亦係女性嘅一個重要關口,當寫真偶像踏入30歲亦會尋求突破,否則再唔努力博多一鋪,到下一個十年想令人氣再谷上高位就幾乎冇乜可能,而平塚奈菜就係其中一位喇。

今年31歲嘅奈菜上年演出風格嚟個一百八十度大轉變,由純情派變成慾女派,喺寫真演出中放肆地運用其F奶挑逗觀眾嘅官能神經,喺最新嘅寫真DVD《美艶》當中,奈菜再將大膽風格升級,換上好多打扮如黑色魚網裝,凸顯成熟又妖艷嘅女人味。另外,奈菜亦會着上好多性感又鮮艷嘅三點式搔首弄姿,仲會嚟個雙腿夾柱,動作惹人遐想,將作品吸睛程度大幅提升!

碟名:《美艶》

收錄時間:80分鐘

售價:約HK$290

撰文:賢