近年日本AV女優受尊重程度日漸提高，除咗因為大家都了解到佢哋對工作嘅認真同投入，為AV迷作出好多包含住血淚嘅貢獻外，亦因為當地媒體對佢哋相當重視，對於女優嘅消息通常都以正面態度去探討，而知道有喜事就當然會同女優嚟個大型企劃合作慶祝一番啦！今年適逢係「永遠之處女」花蕾出道10周年，成人資訊網dxbeppin-r.com就同佢嚟個大型合作，搵花蕾帶大家暢遊玩樂吓。
日本AV廠與廠之間競爭相當大，女優其實都一樣，雖然唔會好似明星咁影相鬥攝位批（月爭）鬥到出面，但係女優們自己都明白到，表現較為失色，自自然然會被要求甚高嘅AV迷所摒棄。真金不怕洪爐火，真波不怕任人摸，有實力嘅女優當然能夠喺AV界力拚上十年依然地位穩固，好似吉澤明步同風間由真一樣啦。最近，亦有一位極品女優喺今年達到出道10周年，佢就係被稱為「永遠之處女」嘅蘿莉系偶像級女優花蕾喇！花蕾出道至今唔覺唔覺已經十年，但表現從來冇褪色，更可以話愈戰愈勇，否則又點能夠取得AV廠Moodyz同WANZ嘅重用，成為兩間廠共同擁有嘅專屬女優呢！早前，M廠特別為花蕾拍下一部邀來上百名素人男優演出嘅紀念作品《素人100人斬特別祭》，咁大件事花蕾梗係親自宣傳啦！於是就現身喺秋葉原街頭派發傳單喇。
花蕾喺AV迷群體中可謂無人不曉，地位更達到無可取替嘅地步，之不過，花蕾親自出動，去到知名景點秋葉原——售賣AV碟及情趣用品嘅M's Online大廈地下派傳單，竟然仲有途人認佢唔到，其實呢班大部分係外國遊客。從佢哋口中得知，即使唔知花蕾係乜水，然而覺得花蕾相當可愛同親切，對佢印象相當好，仲話會買隻花蕾嘅AV碟支持一下添。花蕾派完傳單，dxbeppin-r.com隨即同佢進行一個10周年企劃合作，由花蕾帶領採訪隊去到東京不同地方暢遊一番，包括有大量遊樂設施嘅豊島園及東京都井之頭自然文化園。老實講，花蕾雖然只係帶大家到處遊玩，過程冇男優同佢砌個你死我活，對一般AV迷嚟講係冇乜睇頭，然而歷來卻冇第二個同類企劃合作，亦鮮有人可以見到AV女優去旅行玩樂生活化一面，dxbeppin-r.com將花蕾嘅每次行程於網站作連載式報道時，收到大量正面回響。
喺井之頭自然文化園，花蕾玩得相當開心，因為園內有好多動物可以欣賞，之但係，當佢哋去到豚鼠飼養館嘅時候，由於過咗開放時間，搞到花蕾唔可以親親小豚鼠，真係即場喊出嚟呀！好彩花蕾又唔會咁扭計一定要同豚鼠玩，隔住塊玻璃欣賞可愛嘅豚鼠都叫做收貨啦。另外，園內仲有大笨象，但係花蕾就話班大象好臭唔想同佢哋接觸喎。之後，花蕾就去到一片樹林同採訪隊玩拋波、掟飛碟，花蕾仲誇口話自己做運動瓣瓣都咁精，係運動天才喎。除咗去井之頭文化園，花蕾仲去過豊島園玩餐飽，玩過山車、旋轉木馬及滑水天梯等。雖然花蕾平時拍AV天不怕地不怕，面對上百素人男優圍攻都未驚過，但係要佢去鬼屋行個圈就唔夠膽喇！唔使驚！下次搵我陪你！
撰文：賢