相嗌唔好口，更何況仲要喺行頭搵食，總會有碰面時候。不過從另一角度睇，如果本身冇乜新聞價值，因為嗌交而換嚟見報機會，對脫星嚟講又未嘗係壞事噃！
脫星Mila Jade巴打識唔識，睇怕問100個四仔迷都冇個知佢係脫星囉！等細佬話你知，有亞裔血統嘅Mila Jade報稱1993年出生，5呎3吋高，體重105磅，三圍係32A-22-32，舊年底做脫星，拍過約10輯寫真及參演過兩鑊四仔，講完，以咁嘅質素想見報？新聞網肯寫，巴打都未必有興趣知啦，咁所以阿妹喺正常途徑響朵係極難，又所以佢要靠網上發圍，密密拍個人短片，掟上網零售賣畀網友維持生計囉！
而據成人新聞網TRPWL報道，阿妹隸屬嘅經理人公司Glamour Talent老闆Kevin Casali涉嫌偷取Mila Jade網上四仔收入所得，結果阿妹同對方嘈完一輪都得唔到滿意答覆，決定要向傳媒爆大鑊，報道指阿妹喺Clips4sale有個人帳戶，專責售賣佢自拍四仔，但因為密碼都交由經理人負責，阿妹無法知道實際收益，經過幾個月一蚊都收唔到，Mila Jade就同老闆Kevin Casali算帳，點知對方愛理不理，因此要篤爆佢嘅惡行，藉此提醒各位新人免再受騙，事件點樣發展，傳媒就唔太關心，啱嘅，講到底都冇人識Mila Jade係乜水，雖然阿妹收唔到錢，但可以成功見報，等巴打認識一下，當係自己揼錢宣傳囉，除笨有精喎！
網址：http://therealpornwikileaks.com/glamour-talent-owner-kevin-casali-stealing-money-mila-jade/
撰文：祖