自早前男神Mick Blue同脫星Anikka Albrite被傳媒封為四仔界「畢氏夫婦」（Brad & Ange）即好似畢彼特兩公婆咁恩愛後，外界即刻將現役四仔界起底，發現有唔少同行夫妻依然咁恩愛，以下幾對巴打一定要識。
平常人維繫一段婚姻關係都難，更何況係過着有性冇愛，荒淫至極，砌足365日嘅男女四仔演員呢？坦白講句，床上不愁對手兼且玩到咁盡，返到屋企仲有乜情趣可言呢？再者，邊個男人接受老婆一片朱唇萬夫嘗，咁嘅四仔夫妻關係注定失敗是常識吧！不過世事就係有奇迹，不止大牌脫星可以維繫到感情，連脫星仔都可以愛得癡纏，就先前講嘅Mick Blue同脫星Anikka Albrite，佢兩位喺2014年開始拍拖，一年後拉埋天窗，時間雖然唔算長，但愛得一日比一日深，兩位嘅Twitter簡直係用嚟「放閃」，經常出雙入對，孖住出席活動，孖住上床拍四仔，新鮮滾熱辣更孖住拍人體藝術寫真添！而且佢兩個喺四仔界都獨當一面，Mick Blue係最佳男優又係四仔導演，而老婆則係最佳脫星「三連霸」得主，年初佢哋更拍住上開四仔製作室，實行有錢齊齊搵，難怪兩公婆都唔介意床上各自搵食啦！
另一對經典夫妻檔必屬Kelly Madison與Ryan Madison，Kelly姐年屆四張，天然34GG依然咁堅，但有指老公未結婚前係佢公司嘅平面設計員，喺婚後Kelly姐拉佢入行，跟住成立413 Productions，兩個拍住上床賺大錢，Kelly姐心胸更廣闊到拉埋姊妹上床分享老公，雖然老公Ryan來者不拒，但結婚多年從未傳過緋聞，搞完就算，為人又低調，至今入行快8年都冇人起到佢底，同老婆仲鬼咁恩愛，得閒就上床執兩劑自拍益街坊！
巴打可能會話唔係靚仔靚女冇咁多引誘，咁女神Kayden Kross型佬Manuel Ferrara呢對又點睇呢？雖然男優Manuel喺2012年同脫星Dana Vespoli離婚，之後就搭上女神Kayden Kross再婚，但自此收心養性，而女神Kayden同佢生咗個女後更專心相夫教子，每次接受訪問都有影皆雙，佢哋仲喺訪問中分享保持夫妻關係秘訣，就係一齊坐定定度四仔劇本，諗啲淫亂對白，之後仲會即場排一次，難怪Manuel哥床上仲有咁多新花款玩啦！最令人心痛嘅一對肯定係Sunny leone同Daniel Weber，呢位紅爆歐美印度嘅Sunny妹，為咗愛情放棄事業，同印度裔男友返鄉下結婚，之後仲從良做演員，依然廣受巴打歡迎，而佢老公就最爽，事關Sunny妹身家近億港紙，夠佢哋食過世啦！
之不過四仔界始終係大染缸，單靠定力好難抵受得住誘惑嘅，例如Kirsten Price同Keiran Lee呢對，公認型男配索女，可惜婚姻維持咗兩年，老婆喺去年底就同傳媒爆大鑊話老公Keiran Lee上咗位後，每晚跟唔同女人瞓，食到唔識返屋企，最瘋狂時間過百女人主動黐埋佢身，無法挽回惟有分開喎！
貧賤夫妻百事哀？未必，脫星Faith Leon同男優Marcos Leon兩位性格都非常低調，而且好易滿足，兩位80後年資都差唔多，但性格好啱，永遠砌完就閃，從來無見過佢哋出嚟宣傳，老公Marcos Leon連社交網都冇，呢啲咪好老公囉！
四仔界有真愛當然亦有名存實亡嘅婚姻，自稱為「性學家」嘅Jessica Drake同Brad Armstrong結婚近十年，膝下猶虛兼聚少離多，只係年終頒獎禮先會見到佢兩個現身，無他嘅，女嘅話要營造賢妻與事業女性形象，而男嘅多年則係四仔男優，依家上晒位做四仔公司大老闆，同離婚冇分別！仲有Asa Akira同Toni Ribas呢一對，女方係紅爆美國嘅亞裔脫星，但老公Toni從來唔會一齊出場，喺社交網反而分享同脫星齊齊酒店睇波都唔會同老婆合照，聽聞佢兩個仲係分開住，之所以結婚純粹因為互相關照多啲工咋！
撰文：祖