Katsuni賣「藝」唔賣身

Katsuni係乜水?咪係當年紅爆歐美四仔界,算係頭一批喺美國搵食嘅亞裔脫星囉!話時話,十年前阿妹好搶手㗎,連四仔大廠如Wicked等都爭住用佢,只係歲月催人老,唔係阿妹老,係啲粉絲老咋,咁所以作為舊人嘅Katsuni都要退位咁解啫,今日呢位三十有七嘅法國越南混血妹,叫多聲美魔女都唔過分呀!

但今日你叫乜都冇用,皆因Katsuni已賺夠上岸,巴打仲上緊網睇視頻打J,阿妹就喺充滿浪漫氣色嘅巴黎歎緊咖啡喇,想佢復出機會近乎零囉!當然錢唔會有人嫌多嘅,因此Katsuni挾住佢嘅江湖影響力,退而不休咁得閒做吓夜場DJ,寓工作於娛樂,今期仲學人搞埋漫畫添呀!漫畫叫《Doggybags》,報稱喺法國有售,網上每本售8.99美元,成70蚊港紙一本都唔平㗎!

乜原來阿妹咁有藝術天分咩?唔知,因為本漫畫冇交代係咪全部佢畫,淨係知女主角外形同性格都同Katsuni真人九成似,大波又好色,係喎,唔記得講呢本都係成人漫畫,集性愛、暴力及恐怖題材,夠十八歲先好睇,所以話老本唔怕食呀!

撰文:祖