退而不休嘅Lisa Ann又有活動喇！過去兩年話退休其實都冇退過，據稱熱愛美式足球嘅Lisa姐，四仔迷喺電視體育頻道可以見到佢，鍾意收聽網台嘅巴打又經常聽到阿姐把聲，而四仔廠亦無停止過推出Lisa嘅精選再精選四仔，咁其實阿姐邊有退下火線啫！
Like唔Like阿姐係巴打自由，問題係佢成日搶住見報，霸住啲篇幅，細佬真心覺得煩，如果係咁，不如Lisa姐唔好話退休啦！好似剛過去嘅5月6日，佢又喺紐約夜場HQNYC搞咗個生日派對，成人新聞網話當晚只接待會員，而頭50位買飛入場嘅粉絲，仲可以獲得Lisa姐親筆簽名新書《The Life》添！呢本書未正式發行，但消息話係阿姐自傳，當事人話有興趣嘅粉絲可以上官網密切留意，仲有呀，Lisa姐叫大家記得交「會費」繼續支持佢嘅個人網站，事關不斷有惹火寫真上載呀！
撰文：祖